ધર્મ / નવરાત્રીના નવમાં દિવસે કરો કરો માં સિદ્ધિદાત્રીની પૂજા, જાણો મુહૂર્ત, ભોગ, મંત્ર અને વિધિ

ચૈત્રી નવરાત્રીના નવમા દિવસે માતા સિદ્ધિદાત્રીની પૂજા કરવામાં આવે છે. માતા સિદ્ધિદાત્રીની પૂજાથી સુખ-સમૃદ્ધિ આવે છે. શાસ્ત્રો અનુસાર માતા સિદ્ધિદાત્રીને સિદ્ધિ અને મોક્ષના દેવી કહેવામાં આવે છે. જાણો નવરાત્રીના નવમાં દિવસે માતા સિદ્ધિદાત્રીની પૂજા વિધિ, સ્વરૂપ, ભોગ, પ્રિય રંગ, પુષ્પ, મહત્વ, મંત્ર અને આરતી.

માતા સિદ્ધિદાત્રીનો ભોગ

માન્યતા છે કે માતા સિદ્ધિદાત્રીને ચણા, પુરી, સિઝનલ ફળ, ખીર, હલવો અને નારિયેળનો ભોગ પ્રિય છે. એવામાં નવમીના દિવસે આ વસ્તુઓનો ભોગ જરૂર લગાવવા જોઈએ.

પૂજા મંત્ર

ओम देवी सिद्धिदात्र्यै नमः।

अमल कमल संस्था तद्रज:पुंजवर्णा, कर कमल धृतेषट् भीत युग्मामबुजा च।

मणिमुकुट विचित्र अलंकृत कल्प जाले; भवतु भुवन माता संत्ततम सिद्धिदात्री नमो नम:।

ह्रीं क्लीं ऐं सिद्धये नम:।

શુભ રંગ અને પ્રિય પુષ્પ

ચૈત્રી નવરાત્રીની નવમી તિથિના દિવસે બ્લૂ કે જાંબલી રંગના વસ્ત્રો પહેરવા જોઈએ. માતા સિદ્ધિદાત્રીને લાલ રંગના જાસુદ કે ગુલાબના ફૂલ અર્પિત કરો.

માતા સિદ્ધિદાત્રી બીજ મંત્ર

ह्रीं क्लीं ऐं सिद्धये नम:।

પૂજા વિધિ

• સવારે ઊઠીને સ્નાન કરો અને મંદિર સાફ કરો.
• માતાનો ગંગાજળથી અભિષેક કરો.
• માતાજીને અક્ષત, લાલ ચંદન, ચુદડી, સિંદૂર, પીળા અને લાલ પુષ્પ અર્પિત કરો.
• બધા દેવી દેવતાઓનો જળાભિષેક કરી ફળ, ફૂલ અને તિલક કરો.
• પ્રસાદમાં ફળ કે મિઠાઈ ચડાવો.
• ઘરના મંદિરમાં ધૂપબત્તી અને ઘીનો દિવો કરો.
• દુર્ગા સપ્તશતી અને દુર્ગા ચાલીસાનો પાઠ કરો.
• પાનના પત્તા પર કપૂર અને લવિંગ મુકી માતાજીની આરતી કરો.
• છેલ્લે ક્ષમા પ્રાર્થના કરો.

ક્યારે છે મહાનવમી?

શારદીય નવરાત્રીની નવમી તિથિનો શુભારંભ 11 ઓક્ટોબર શુક્રવારે સવારે 6.52 વાગ્યાથી થઈ રહ્યો છે અને તેનું સમાપન 12 ઓક્ટોબર સવારે 5.47 વાગ્યે થશે.

વધુ વાંચો: ગ્લોબલ વોર્નિંગની છેલ્લી વોર્નિંગ! ખતરારૂપ સ્ટેજમાં પહોંચી ઘરતી, નવા રિપોર્ટમાં આગવાળો દાવો

પૂજાનું શુભ મુહૂર્ત

નવમી પર માતા દુર્ગાના નવમાં સ્વરૂપ એટલે કે માતા સિદ્ધિદાત્રીનું સંધ્યા પૂજન મુહૂર્ત 11 ઓક્ટોબરે સાંજે 5.11 વાગ્યાથી 6.07 વાગ્યાનું છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ