ધર્મ / માં દુર્ગા સપનામાં આવે તો એનો પણ થાય છે ખાસ અર્થ, જાણો શું છે સંકેત

• નોરતામાં માં દુર્ગાને કેવીરીતે પ્રસન્ન કરશો?
• સપનામાં માં દુર્ગાના થાય છે દર્શન
• જો આ મુદ્રામાં માં દુર્ગા દેખાય તો સંભાળજો

શું તમને પણ સપનામાં માં દુર્ગા દેખાય છે?

ઘણી વખત આપણે બધાએ અલગ-અલગ દેવી-દેવતાઓને સપનામાં જોયા હશે. આ સાથે એવુ પણ વાંચ્યુ હશે કે આ દેવી-દેવતાઓને સપનામાં જોવાથી શું લાભ થાય છે અને શું નુકસાન થાય છે. એવુ પણ ઘણી વખત થાય છે કે આપણને સપનામાં માં દુર્ગાના દર્શન થાય છે. પરંતુ પ્રશ્ન એવો ઉઠે છે કે આ સપનુ શુભ છે કે અશુભ? જ્યોતિષ શાસ્ત્ર અને સ્વપ્ન શાસ્ત્રમાં આ વાતનુ વિવરણ ખૂબ વિસ્તારપૂર્વક કરવામાં આવ્યું છે. જો તમને પણ સપનામાં માં દુર્ગાના દર્શન થાય છે તો જાણી લો કે આ કઈ વાત તરફનો છે ઈશારો. 

સપનામાં માં દુર્ગાના દર્શન 

સ્વપ્ન શાસ્ત્ર મુજબ સપનામાં માં દુર્ગાના દર્શન થવાથી વ્યક્તિને ખૂબ લાભ થાય છે. જેને શુભ માનવામાં આવે છે. માન્યતાઓ મુજબ આ આ વાતનો સંકેત છે કે વ્યક્તિના જીવનમાંથી દરેક પ્રકારના કષ્ટ અને દુ:ખ દૂર થાય છે. આ સાથે તેમના જીવનમાં ખુશીઓ આવે છે. પરંતુ આ વાતનુ પણ ધ્યાન રાખવુ ખૂબ આવશ્યક છે કે તમે માં દુર્ગાની કઈ મુદ્રાઓને સપનામાં જોઇ છે. 

માંની હસતી મુદ્રા 

વ્યક્તિને જો સપનામાં હસતા અને લાલ વસ્ત્રમાં માં દુર્ગા દેખાય તો તેને શુભ સંકેત માનવામાં આવે છે. સ્વપ્ન શાસ્ત્ર મુજબ તેનાથી વ્યક્તિના જીવનમાં સકારાત્મક પરિવર્તન દેખાય છે. આ સાથે વ્યક્તિને ધન, વ્યવસાય અને ઐશ્વર્યમાં વૃદ્ધી પ્રાપ્ત થાય છે.

શેર પર સવારી કરી રહી છે માં દુર્ગા 

સ્વપ્ન શાસ્ત્ર મુજબ સપનામાં જો માં દુર્ગા શેર પર સવારી કરતી દેખાય તો આ કોઈ વ્યક્તિ માટે શુભ સંકેત છે. એવુ માનવામાં આવે છે કે વ્યક્તિની બધી સમસ્યાઓ તાત્કાલિક સમાપ્ત થાય છે. પરંતુ જો માં પોતાના શેર પર ગુસ્સો કરતી મુદ્રામાં છે અથવા શેર ગર્જના કરી રહ્યો છે તો આ સમસ્યાઓનો સંકેત હોઇ શકે છે, તેથી સાવધાન રહો.