નવરાત્રિમાં માતાના નવ સ્વરૂપોની અરાધના કરવામાં આવે છે. તમામ રીતથી માતાને પ્રસન્ન કરવા માટે અને તેમની કૃપા મેળવવા માટે પ્રયત્ન કરવામાં આવે છે. આ દરમિયાન ઘણા લોકો નવરાત્રિમાં 'ગરબા' ની સ્થાપના કરે છે તો ઘણા લોકો માત્ર વ્રત-ઉપવાસ કરે છે એટલે કે દરેક માતાજીના ભક્ત પોતાની રીતે માતાને પ્રસન્ન કરવા માટે પ્રયત્નો કરે છે, પરંતુ શું તમે જાણો છો કે નવરાત્રિમાં આ વાતાનો ખાસ ધ્યાન રાખવુ જોઇએ.
- સનાતન ધર્મમાં પૂજા-પાઠના દરમિયાન કાળા રંગના વસ્ત્રો પહેરવાના વર્જિત કરવામાં આવ્યા છે, કેમકે આ રંગના પ્રતિ નકારાત્મક ઉર્જા જલ્દીથી આકર્ષિત થાય છે. આજ કારણે નવરાત્રિમાં કાળા રંગના વસ્ત્રો પહેરવા માટે ઇન્કાર કરવામાં આવે છે. જ્યારે પણ પૂજા કરવા બેસો તો માતાજીના પ્રિય લાલ, પીળા, ગુલાબી અને લીલા રંગના વસ્ત્રો ધારણ કરો.
- મા ભવાની પૂજા દરમિયાન કેટલાક વિશેષ નિયમોનું પાલન કરવુ પડે છે, જેમાંથી એક છે જ્યારે પણ પૂજા કરવા બેસો ત્યારે જૂતા, ચપ્પલ અને બેલ્ટનો પ્રયોગ ના કરો. ધ્યાન રાખો કે જ્યારે પણ મંદિરમાં જાઓ ત્યારે ચામડાની વસ્તુઓને ધારણ ના કરો.
-માતાજીના ભોગ લગાવતા સમયે ધ્યાન રાખો કે અનાજ ના હોવુ જોઇએ. માતાના ફળો અને મિઠાઇ, મિશ્રી, ખાંડ, ઇલાયચીનો ભોગ ધરાવો, પરંતુ અન્નનો ઉપયોગ ના કરો.
- નવરાત્રિના નવ દિવસો સુધા કાતરનો પ્રયોગ ના કરો. આ સિવાય વાળ,દાઢી-મૂંછો પણ કપાવવાનું ટાળવુ જોઇએ. આ દિવસોમાં બાળકની મુંડનની વિધિ ના કરાવવી જોઇએ.
- નવરાત્રિમાં જે લોકો વ્રત કરે છે અથવા તો માત્ર પૂજા કરે છે તેમણે 9 દિવસો સુધી બ્રહ્મચર્યના વ્રતનું પાલન કરવુ જોઇએ. ભૂલથી પણ શારીરિક સંબંધ ના બનાવો. કહેવાય છે કે, નવરાત્રિ દરમિયાન જે વ્યકતિ શારીરિક સંબંધ બનાવે છે તેમણે પૂજાનું કોઇ ફળ મળતુ નથી.
- નવરાત્રિ દરમિયાન માંસાહારી ભોજન તથા તામસી પદાર્થોનો ત્યાગ કરવો જોઇએ. આ 9 દિવસમાં ડુંગળી-લસણ ના ખાવા જોઇએ. આ ઉપરાંત માંસાહાર અને દારૂ પીવાથી પણ બચવું જોઈ.
- નવરાત્રિ દરમિયાન બપોરે ઉઁઘવાનું ટાળવુ જોઇએ. ખાસ કરીને જે લોકો નવરાત્રિમાં ઉપવાસ કરતા હોય તેમણે આ સમયે ના ઉંઘવું જોઇએ. એવુ માનવામાં આવે છે કે, નવરાત્રિ સમયે દિવસે ઉંઘનાર વ્યકિતના ઘણા સારા કર્મો નાશ પામે છે.
- માતાજીની પૂજામાં સાત્વિકતા અને પવિત્રતાનું વિશેષ ધ્યાન રાખવામાં આવે છે. આજ માટે પૂજામાં નિયમોમાં જણાવવામાં આવ્યુ છે કે, ક્યારેય પણ નવરાત્રિ દરમિયાન જો કોઇ સ્ત્રી માસિકમાં હોય તો તેણે ઘર કે મંદિરમાં જઇને માતાજીની પૂજા ના કરવી જોઇએ.