નવરાત્રીઃ તમે માં અંબેની આરાધના-ઉપવાસ કરો છો? તો આ વાતોનું ધ્યાન રાખવું જરૂરી છે

By : HirenJoshi 07:57 PM, 09 October 2018 | Updated : 07:57 PM, 09 October 2018
નવરાત્રી આંગણે આવી ગઇ છે. ત્યારે ભાવી-ભક્તો યથાશક્તિથી માં અંબેની પૂજા-અર્ચના ભક્તિભાવથી કરશે. નવરાત્રી દરમિયાન કેટલાક લોકો નવ દિવસનો ઉપવાસ રાખીને માઁના નવ સ્વરૂપની આરાધના કરે છે. તો કેટલાક ભક્તજનો 9 દિવસના ઉપવાસ રાખીને આદ્યશક્તિની ઉપાસના કરતા હોય છે.

મહત્વનું છે કે, નવરાત્રીના નવ દિવસ સુધી કેટલીક બાબતોનું ખાસ ધ્યાન રાખવું ખુબ જ જરૂરી છે. આજે અમે તમને જણાવશું કે, નવરાત્રીના ઉપવાસમાં કઇ-કઇ વાતોનુ ધ્યાન રાખવું જરૂરી છે.
 
આ વાતોનું રાખો ધ્યાન:
- સૌ પ્રથમ તો... કાળા રંગના કપડા ન પહેરવા જોઇએ. 
- વ્રતના ભોજનમાં અનાજ અને મીઠા(નમક)નું સેવન ન કરવું જોઇએ. 
- મહિલાઓએ માસિક ધર્મ દરમિયાન 7 દિવસ સુધી પૂજા ન કરવી જોઇએ.
- કળશ સ્થાપના કરતા લોકો અથવા અખંડ દીવો પ્રગટાવનાર લોકોએ નવ દિવસ સુધી પોતાનું ઘર ખાલી ન છોડવું જોઇએ. 
- ઘરમાં હિંસા અને કંકાસ ન થવો જોઇએ.
- વ્રત રાખનાર વ્યક્તિ જમીન પર સૂઇ જાય તો સારું ફળ પ્રાપ્ત કરે છે.
- ઘરમાં સાત્વિક ભોજન બનાવવું જોઇએ.
- લસણ, ડુંગળી અને નૉનવેજથી દૂર રહેવું જોઇએ.
- નવરાત્રીનો વ્રત રાખનાર લોકોએ પૂજા દરમિયાન બેલ્ટ, ચંપલ-બૂટ અથવા ચામડામાંથી બનાવેલ કોઇ પણ વસ્તુ પાસે રાખવી ન જોઇએ. 

જો ઉપર જણાવેલી વાતોનું તમે પાલન કરો છો તો તમારે ઉપવાસ જરૂર ફળે છે. ભવાની આદ્યશક્તિ તમારી સાળ-સંભાળ રાખે છે અને હમેંશા તમારો સાથ આપી તમને ઉગારે છે. જય જય માં અંબે....



Recent Story

Popular Story