નવરાત્રીના તહેવાર પર તમે માત્ર 1 રૂપિયામાં સોનું ખરીદી શકો છો. હવે પ્રશ્ન એ થાય છે કે આટલું સસ્તું સોનું કેવી રીતે અને ક્યાંથી ખરીદી શકાય છે. તમને જણાવી દઇએ કે અક્ષય તૃતીયા પર પેટીએમએ એમએસટીસી પેમ્પ સાથે મળીને 24 કેરેટનું સોનું ખરીદવા વેચવાની નવી સુવિધા શરૂ કરવાની જાહેરાત કરી છે.
કંપની માત્ર 1 રૂપિયામાં સોનું ખરીદવાનો વિકલ્પ આપી રહી છે. ડિજીટલ ગોલ્ડના નામે શરૂ કરવામાં આવેલી વેલ્છ મેનેજમેન્ટની નવી યોજના હેઠળ તમે વર્ષના કોઇ પણ દિવસે અને કોઇ પણ સમયે મોબાઇલ એપ પર જઇને ડિજીટલ રીતે સોનું ખરીદી શકો છો. ખરીદી તમે રૂપિયામાં કરો કે વજનમાં. આંતરરાષ્ટ્રીય બજારમાં એ સમયની કિંમત પર સોનાનું વેંચાણ થશે. તમે જેટલું ઇચ્છો એ ખરીદી માટે ચુકવણી કરી શકો છો.
Paytm Gold ઉપરાંત બુલિયન ઇન્ડિયા પણ તમને આ પ્રકારની સેવા આપે છે. તમે અહીંથી ઓછામાં ઓછું 1 રૂપિયામાં સોનું ખરીદી શકો છો. એના માટે તમારે બુલિયન ઇન્ડિયાની સાથે એક ખાતું ખોલવું પડે છે. પેટીએમ ગોલ્ડની જેમ જ બુલિયન ઇન્ડિયા પણ તમને સોનાની હોમ ડિલીવરી આપે છે.
તમે EMI પર પણ સોનું ખરીદી શકો છો. મુથૂટ પાઇનાન્સ અને તનિષ્ક જ્વેલર્સ સહિત ઘણા જ્વેલર તમને આ વિકલ્પ આપે છે.
તમે ફિઝીકલ ગોલ્ડ ખરીદવા ઇચ્છતા નથી તો ગોલેડ ઇટીએફમાં તમે રોકાણ કરી શકો છો. ગોલ્ડ ઇટીએફ પેપર અને ઇલેક્ટ્રોનિક ફોર્મેટમાં હોય છે. ગોલ્ડ ઇટીએફમાં રોકાણથી તમે ટેક્સ બેનિફિટ લઇ શકો છો. ગોલ્ડ ઇટીએફ તમે ડિમેટ અને બ્રોકરના દ્વારા ખરીદી શકો છો.