લાડકી / પપ્પા ચૂંટણી નહીં જીતે ત્યાં સુધી હું લગ્ન નહીં કરું, સિદ્ધુની દીકરીએ જાહેરમાં સોગંદ ખાઈને લીધા આ પ્રણ

• નવજોત સિદ્ધુની પુત્રી પ્રચારમાં જોડાઈ
• કોંગ્રેસ હાઈકમાન્ડ પર સવાલો કર્યા
• પિતાની ફેવરમાં આપ્યા નિવેદન

પંજાબ કોંગ્રેસના અધ્યક્ષ નવજોત સિંહ સિદ્ધુ અમૃતસર ઈસ્ટથી ચૂંટણી લડી રહ્યા છે. નવજોત સિંહ સિદ્ધુની દિકરી રાબિયા સિદ્ધુ પણ પોતાના પિતાના પ્રચારમાં લાગી ગઈ છે. પ્રચાર દરમિયાન પત્રકારો સાથે વાત કરતા રાબિયાએ જણાવ્યું હતું કે, જ્યાં સુધી તેના પિતા જીતશે નહીં ત્યાં સુધી તે લગ્ન નહીં કરે.

પિતાના પ્રચારમાં લાગી રાબિયા

હકીકતમાં જોઈએ તો, હાલના દિવસોમાં નવજોત સિંહ સિદ્ધુએ કહ્યું હતું કે, મારી પાસે દિકરીના લગ્ન માટે પૈસા પણ નથી, તેના પર રાબિયાએ જણાવ્યું હતું કે, તેઓ ભાવનાશીલ થઈને આવું બોલી રહ્યા છે. મેં જાતે કહ્યું છે કે, જ્યાં સુધી મારા પિતાની જીત નહીં થાય ત્યાં સુધી લગ્ન નહીં કરું. તેમના પિતા આજે પણ કંઈ પણ કરવા અને ભણવા માટે પ્રોત્સાહન આપે છે. મારા માટે તેમની પાસે બધું જ છે. એવું કઈ રીતે બની શકે કે, મારા લગ્ન માટે તેમની પાસે પૈસા નથી.

#WATCH | Punjab PCC chief Navjot S Sidhu's daughter, Rabia Kaur Sidhu speaks on Charanjit Channi being made CM face for #PunjabElections2022

"Maybe they (high command) had some compulsion. But you can't stop an honest man for long. Dishonest man has to eventually stop," she says pic.twitter.com/DzzsauNMJB

— ANI (@ANI) February 11, 2022

ઈમાનદાર માણસને ક્યાં સુધી રોકી શકશો

આ ઉપરાંત હાલના મુખ્યમંત્રી ચરણજીત સિંહ ચન્નીને ફરી વાર સીએમ ચહેરા તરીકે ઘોષિત કરવા પર રાબિયાએ જણાવ્યું કે, હાઈકમાન્ડ તો હાઈકમાન્ડ હોય છે. કદાચ હાઈકમાન્ડની કંઈક મજબૂરી રહી હશે. પણ આપ એક ઈમાનદાર માણસને વધારે સમય સુધી રોકી શકતા નથી. તથા બેઈમાન માણસને રોકાવું જ પડે છે. 

મારા પિતા 14 વર્ષથી પંજાબ મોડલના કામમાં લાગેલા છે 

મીડિયા રિપોર્ટ્સમાં જણાવ્યા અનુસાર રાબિયાએ પોતાના પિતાના પક્ષમાં પ્રચાર કરતા સંકેતોમાં જણાવ્યું હતું કે, તેના પિતા 14 વર્ષથી પંજાબ મોડલ બનાવવામાં લાગેલા છે. તેમની કદર થતી નથી. જે લોકોને આગળ કરવામાં આવ્યા તે તેના પતિના બરોબર ક્યારેય હતા જ નહીં. સાથે જ તેણે કહ્યું કે, પિતાને પંજાબનું દુ:ખ છે. એટલા માટે તેઓ ભાવનાશીલ થઈને કડવા વચન બોલી રહ્યા છે.