ગૂગલ મેપ હાલના સમયમાં લોકોના જીવનનો એક મહત્વપૂર્ણ ભાગ બની ગયો છે. ડ્રાઇવિંગ કરતી વખતે, કોઇ એડ્રેસ શોધતી વખતે ગૂગલ મેપમાંથી એક મહિલાનો અવાજ આવે છે, જે મુજબ આપણે આપણો રસ્તો પસંદ કરીએ છીએ.
ગૂગલ પર ગૂંજશે અમિતાભ
નેવિગેશન કંપનીએ કર્યો સંપર્ક
હવે કંપની નેવિગેશન સાથે બોલિવૂડના મહાનાયક અમિતાભ બચ્ચનના અવાજને જોડવાની યોજના બનાવી રહી છે. અહેવાલ છે કે, ખૂબ જ ટૂંક સમયમાં અમિતાભ બચ્ચન ગુગલ મૅપ પર પોતાનો અવાજ આપી શકે છે. હાલમાં ગૂગલ મૅપ નેવિગેશનમાં ન્યૂયોર્કના કેરેન જેકબ્સનનો અવાજ સંભળાય છે.
ગૂગલે કરી બચ્ચન સાથે વાત
ગૂગલ તેના ગૂગલ મૅપ માટે અમિતાભ બચ્ચનના અવાજની મદદ લઈ શકે છે. આ અંગે અમિતાભ સાથે વાતચીત ચાલી રહી છે. કંપનીએ અમિતાભનો સંપર્ક પણ કર્યો છે. અમિતાભ બચ્ચન તેમના દમદાર અવાજ માટે જાણીતા છે. તેનો અવાજ દેશમાં સૌથી વધુ પસંદ કરવામાં આવતા અવાજોમાંનો એક છે. આવી સ્થિતિમાં, અમિતાભનો અવાજ ગૂગલ મૅપ નેવિગેશન માટે વધુ સારો વિકલ્પ બની શકે છે.
બચ્ચને નથી કરી કોઇ સ્પષ્ટતા
હાલમાં અમિતાભ બચ્ચન અને ગુગલ દ્વારા આ વાતની કોઈ પુષ્ટિ થઈ નથી. 12 જૂને અમિતાભ બચ્ચનની 'ગુલબો સીતાબો' OTT પ્લેટફોર્મ એમેઝોન પ્રાઈમ વીડિયો પર રિલીઝ થઈ રહી છે. આ ફિલ્મમાં આયુષ્માન ખુરાના પણ છે.