ચિંતાજનક / ક્યાંક તમે ઉપયોગમાં લેવાયેલા સર્જિકલ ગ્લોવ્ઝ તો નથી ખરીદ્યાને? આ વાંચો નહીંતર...

• સાફ કરવા ઉપયોગમાં આવતા કેમિકલની પણ તપાસ કરવામાં આવી રહી છે
•  ઉપયોગમાં લીધેલા સર્જિકલ દસ્તાનાને ધોઈને ફરીથી વેચતી હતી
•  ગોડાઉનમાંથી આવા 3 ટન દસ્તાના જપ્ત કર્યા

મહારાષ્ટ્રની નવી મુંબઈમાં ક્રાઈમ બ્રાન્ચે એક એવી ગેંગને પકડી છે જે ઉપયોગમાં લીધેલા સર્જિકલ દસ્તાનાને ધોઈને ફરીથી વેચતી હતી. પોલીસે રેડ પાડીને એમઆઈડીસી વિસ્તારમાં સ્થિત ગોડાઉનમાંથી આવા 3 ટન દસ્તાના જપ્ત કર્યા છે. નવી મુંબઈ ક્રાઈમ બ્રાન્ચ ઘટનાની તપાસ કરી રહી છે.

મીડિયા રિપોર્ટ મુજબ મુખ્ય આરોપી વોશિંગ મશીનોની મદદથી ઉપયોગમાં લેવામાં આવેલા આ દસ્તાના(ગ્લોવ્ઝ)ને ધોતો હતો. એ પછી તેને ડ્રાયરથી સુકવી દઈ ફરી પેકેટમાં પેક કરી બજારમાં વેચી દેતા હતા. જપ્ત કરવામાં આવેલા દસ્તાનીની કિંમત 6 લાખ આંકવામાં આવી રહી છે.

પોલીસ અધિકારીઓનું કહેવું છે કે જેટલા મોટા પ્રમાણમાં દસ્તાના મળ્યા છે તેનાથી લાગે છે કે આને હોસ્પિટલો અને અન્ય મેડિકલ સંસ્થાઓમાંથી ખરીદ્યવામાં આવતા હતા. પછી આ દસ્તાનાના જથ્થાને ગોડાઉનમાં લાવી ચેક કરી તેને ફરી ધોઈ- સુકવી ફરી પેક કરવામાં આવતા હતા. આને સાફ કરવા ઉપયોગમાં આવતા કેમિકલની પણ તપાસ કરવામાં આવી રહી છે.