સરકાર / પેમા ખાંડુનો અરૂણાચલ પ્રદેશમાં-નવિન પટનાયકનો ઓડિશામાં શપથવિધિ કાર્યક્રમ

અરૂણાચલ પ્રદેશમાં આજે પેમા ખાંડુ મુખ્યમંત્રી પદના શપથ લેશે. પેમા ખાંડુ બીજી વાર મુખ્યમંત્રી પદના શપથ લઇ રહ્યાં છે. પ્રથમવાર પેમા ખાંડુ વર્ષ 2016માં મુખ્યમંત્રી બન્યા હતા. ઉલ્લેખનીય છે કે, અરૂણાચલ પ્રદેશ વિધાનસભા ચૂંટણીમા ભાજપને મોટી જીત મળી છે.
 

સ્પષ્ટ બહુમતી સાથે અરૂણાચલ પ્રદેશમાં ભાજપ સરકાર બનાવા જઈ રહી છે. વિધાનસભા ચૂંટણીમાં ભાજપની 60માંથી 41 બેઠક પર જીત થઈ છે. આમ આજે પેમા ખાંડુ બીજીવાર મુખ્યમંત્રી પદના શપથ લઇ રહ્યાં છે.

જ્યારે ઓડિશાની વાત કરીએ તો રાજ્યમાં પાંચવી વાર નવીન પાટનાયક મુખ્યમંત્રી બનવા જઈ રહ્યા છે. નવીન પટનાયક આજે ઓડિશાના મુખ્યમંત્રી પદના શપથ લેશે. ત્યારે નવીન પટનાયકે નરેન્દ્ર મોદી સહિત અનેક નેતાઓને શપથ સમારોહમાં હાજર રહેવા માટે આમંત્રણ આપ્યું છે.
 

મહત્વનું છે કે નવીન પટનાયક પાંચવી વાર ઓડિશાના મુખ્યમંત્રી બનવા જઈ રહ્યા છે. વિધાનસભા ચૂંટણીમાં નવીન પટનાયકની પાર્ટી બી.જે.ડી.ને 147માંથી 112 સીટ મળી છે. ત્યારે આજે તેઓ મુખ્યમંત્રી પદના શપથ લેવા જઈ રહ્યા છે.