ઈનોવેશન / આ છે દેશી વિજ્ઞાનિકઃ ડીઝલના ભાવ વધતા 3 મહિનામાં બનાવ્યું સોલાર ટ્રેક્ટર, જાણો કુલ ખર્ચ

• ડીસાના યુવાન ખેડૂતનુ ઈનોવેશન 
• સૂર્યઉર્જાથી ચાલતું ટ્રેકટર બનાવ્યુ
• ડીઝલના વધતા ભાવ સામે અનોખું ઈનોવેશન 

પેટ્રોલ-ડીઝલના ભાવ આઅસમાને છે ત્યારે બનાસકાંઠાના યુવાન ખેડૂતનુ ઈનોવેશન સામે આવ્યું છે. જે ખેડૂતોને ખૂબ ઉપયોગી થાય તેવું છે.  ડીસાના રાણપુરના યુવાન ખેડૂત નવીનભાઈ માળીએ સૂર્યઊર્જા અને બેટરીથી ચાલતું મિની ટ્રેકટર બનાવ્યું છે. માત્ર ત્રણ મહિનાના ટૂંકાગાળામાં પોણા બે લાખના ખર્ચે આ મિની ટ્રેકટર બનાવ્યું છે. આ ટ્રેકટર બનાવવામાં નવીનભાઈ સ્વદેશી વસ્તુઓનો જ ઉપયોગ કર્યો છે.  ટ્રેકટરને એકવાર ચાર્જ કર્યા પછી 60થી 70 કિલોમીટર સુધી ચલાવી શકાય છે. ટ્રેકટર 400થી 500 કિલો વજનનું વહન કરી શકે છે.

બનાસકાંઠાના ડીસાના એક યુવા ખેડૂતે  ઓછા ખર્ચે  સોલાર અને બેટરીથી ચાલતું મીની ટ્રેકટર બનાવી આત્મનિર્ભરતા બતાવતા તે અન્ય ખેડૂતો માટે પ્રેરણાદાયી બન્યો છે. આ મીની ટ્રેકટર સોલરથી ચાલી રહ્યું છે. આ ટ્રેકટર એક ટન જેટલો વજન ખેંચી શકે તેવી આની સોલરની ક્ષમતા પણ છે. તમે આ ટ્રેકટર પર પાંચ માણસો સવાર હોય તો પણ તે એકદમ આરામથી દોડી શકે છે. આ સફળ સોલાર ટ્રેકટર ફક્ત 1.75 લાખના ખર્ચે માત્ર ત્રણ મહિનાની મહેનતથી તૈયાર કરાયું છે.

આ  ટ્રેકટર સોલરથી ચાલે છે અને તેમાં બેટરી લાગેલી હોવાથી સોલરનીં સાથે એ.સી લાઈટથી ચાર્જ પણ થાય છે. આ સોલાર ટ્રેક્ટર કોને બનાવ્યું તો તેની વાત કરીએ તો ડીસાના રાણપુર ગામે રહેતા પ્રગતિશીલ યુવા ખેડૂત નવીનભાઈ માળી હંમેશા ઓછા ખર્ચે ખેતી થાય તેવા પ્રયત્ન સતત કરતા હોય છે. ત્યારે નવીનભાઈએ ઓછા ખર્ચમાં ખેડૂતોનું કામ કરે તેવું મીની ટ્રેકટર બનાવવાનો વિચાર કર્યો અને ખેતરમાં બેઠા બેઠા ટ્રેકટરના સ્ટ્રક્ચરનું આયોજન કરી ટ્રેકટર બનાવવા બોડી વર્કનું કામ કરતા હર્ષદભાઈ પંચાલ પાસે ગયા અને તેમને ટ્રેકટર બનાવવાનો આઈડિયા આપ્યો અને ગણતરીના દિવસોમાં સોલર અને બેટરીથી ચાલતું ટ્રેકટર તૈયાર કરી દીધું.

આ ટ્રેક્ટર ખેડૂતોને મોંઘવારીના સમયમાં ડીઝલ બચે અને નાની બાગાયતી ખેતીમાં ઉપયોગી નીવડે સાથે પશુપાલન કરતા પશુપાલકોને દૂધ ભરાવવા, ઘાસચારો લાવવામાં સરળતા રહે સાથે પર્યાવરણ બચે છે અને પ્રદુષણ પણ ન થાય તેવું હોવાથી આ ટ્રેકટર અનેક રીતે ખેડૂતોને ફાયદાકારક રહેશે તેવું આ ટ્રેક્ટરને જોતા લાગી રહ્યું છે.