અમદાવાદ: નવરાત્રીના પાવન પર્વની શરૂઆત થઈ રહી છે. ત્યારે અમદાવાદમાં નવરાત્રીની જોરશોરથી તૈયારીઓ કરાઈ છે. શહેરના વિવિધ પાર્ટી પ્લોટ્સમાં નવરાત્રીનું ખાસ આયોજન કરવામાં આવ્યું છે.
તો રાજ્ય સરકાર દ્વારા પણ શહેરના GMDC ગ્રાઉન્ડ ખાતે નવરાત્રી મહોત્સવનું વિશેષ આયોજન કરવામાં આવેલ છે. બીજી તરફ નવરાત્રીને લઈને સુરક્ષા બંદોબસ્ત પણ ચૂસ્ત કરી દેવામાં આવ્યો છે. ખાસ કરીને મહિલા પોલીસ સતર્ક થઈ છે.
સુરક્ષા વ્યવસ્થાને ધ્યાને રાખતા મહિલાઓની 10 અલગ-અલગ ટીમો બનાવાઈ છે. આ તમામ ટીમો પાર્ટીપ્લોટ ક્લબોમાં સ્ટેન્ડબાઈ રહેશે અને મહિલાઓની છેડતી કરનાર યુવાનોને કાબુમાં લેશે. મહિલા પોલીસની આ 10 ટીમોમાં PSI ASI અને મહિલા કોન્સ્ટેબલનો સમાવેશ થાય છે.
જ્યારે એન્ટી રોમિયો સ્ક્વોર્ડ માટે 2 PSI 7 ASI અને 50 મહિલા પોલીસનો કાફલો તૈનાત રહેશે. આ ઉપરાંત 2 ડિકોય ટીમનું પણ આયોજન કરવામાં આવ્યું છે.
જેમાં મહિલા પોલીસ ટ્રેડિશનલ ડ્રેસમાં હાજર રહેશે. જેમાં 2 PI 6 PSI 30 ASI અને 50 મહિલા પોલીસની ફાળવણી કરવામાં આવી છે. જેથી કરીને મહિલાઓ કોઈપણ પ્રકારના ડર વિના નવરાત્રીની ઉજવણી કરી શકે.