કેરળમાં કુદરતનો પ્રકોપ લોકોને ખાવા-પીવાના ફાંફાં ગામો સંપર્ક વિહોણા...

કેરળમાં વરસાદે હાહાકાર મચાવ્યો છે તે જોઈને પગ તળેથી જમીન ખસી જાય એવા દ્રશ્યો સામે આવ્યા છે. ભારે વરસાદથી કેટલાંય લોકો પોતાના મકાનમાં ફસાયા છે. જેથી ઈન્ડિયન નેવી દ્વારા ફસાયેલા લોકોને બચાવવા માટે દિલધકડ રેસ્કયૂ ઓપરેશન હાથ ધરાયુ છે. 

ઈન્ડિયન નેવી દ્વારા હેલિકોપ્ટરની મદદથી જીવ બચાવામાં આવી રહ્યો છે. ફસાયેલા લોકો પણ પોતાનો જીવ બચાવવા માટે ફાંફા મારી રહ્યા છે અને ક્યાંયથી કોઈ મદદ મળી જાય બસ એવી જ આસા સેવીને બેઠા છે. 

કેરળમાં વરસાદે 300થી પણ વધારે લોકોના જીવ લીધા છે. લાખો લોકો બેઘર બન્યા છે અને અનેક લોકો ફસાયેલા છે. અન્ય રાજ્યોમાંથી પણ એન.ડી.આર.એફ.ની ટીમ બચાવ કામગીરી માટે મોકલી દેવામાં આવી છે.  

કેરળમાં કુદરત જાણ રીસાઈ હોય એમ આકાશી આફત વરસી છે. અનેક વિસ્તારો હજુ પણ પાણીમાં ગરકાવ છે અને લોકો ફસાયેલા છે. બીજી તરફ વરસાદે હજારો લોકો આસરો પણ છિનવ્યો છે. 

અનેક વિસ્તારમાં પૂરની સ્થિતિ છે. ત્યારે કેરળનું મંગલમદામ ગામમાં થાલીગાકલ આદિવાસી લોકો ફસાયા હતા. તેમના ગામમાં વરસાદી પાણી ઘૂસતા સમગ્ર ગામ સંપર્ક વિહોણુ બન્યુ છે. 

ગામના આદિવાસી લોકો ખાવા અને પીવા માટે વલખાં મારી રહ્યા છે. જ્યારે RAFના જવાનોની ટીમ તેમની મદદે પહોંચી છે અને ભારે જહેમત ઉઠાવીને ટીમે નદીની ઉપર પૂલ બાંધ્યો અને ગામના લોકોને ભોજન પહોંચાડયું. રૂંવાડા ઉભા કરી દે તેવા આ દ્રશ્યો જોઈને મોંમાંથી સરી પડે કે કુદરતના પ્રકોપ સામે આપણે લાચાર છીએ.