પ્રકૃતિના ખોળે / ઉનાળામાં ગુજરાતીઓનું નવું ટૂરિસ્ટ સ્પોટ: ફેમિલી કે ફ્રેન્ડ્સ સાથે પ્રકૃતિ-ગ્રામીણ સંસ્કૃતિનો આનંદ 

• મહીસાગર નદીએ ઉમટ્યા પ્રવાસી
• નદીમાં સ્નાન કરી ગરમીથી રાહત
• દૂર-દૂરથી પ્રવાસી ઉમટ્યા

ગ્રામીણ અને પ્રકૃતિ પ્રેમીઓ માટે મહીસાગર નદી બની આશીર્વાદ

સમગ્ર ગુજરાતમાં ગરમી કહેર વર્તાવી રહી છે, ત્યારે મધ્ય ગુજરાતમાં ગ્રામીણ અને પ્રકૃતિ પ્રેમીઓ માટે મહીસાગર નદી આશીર્વાદ બની છે. લોકો ગરમીથી બચવા માટે પરિવાર સાથે મહીસાગર નદીમાં સ્નાન કરવા આવી રહ્યા છે. પંચમહાલ, મહીસાગર, વડોદરા અને ખેડા જિલ્લાના લોકો મહીસાગર નદીમાં સ્નાન કરી ગરમીમાંથી રાહત મેળવી રહ્યા છે. 
કુદરતી સ્વીમીંગ પુલમાં નાહવા મઝા માણવા માનવ મહેરામણ ઉમટ્યો

મધ્ય ગુજરાતમાં ગરમીનો પારો 42 ડિગ્રીને પાર પહોંચતા લોકો ત્રાહિમામ પોકારી ઉઠ્યાં છે.  લોકો ગરમીથી બચવા માટે અવનવા  નુસખાઓ અપનાવી રહ્યાં છે. તો વળી કેટલાક લોકો હિલ સ્ટેશન પર રજાઓ ગાળવા નીકળી ગયા છે. ત્યારે  ગ્રામીણ અને પ્રકૃતિ પ્રેમીઓ માટે મહીસાગર નદી આર્શીવાદ સમાન બની છે

મહીના વહેતા પાણીમાં નાહવા મધ્ય ગુજરાતના વિવિધ જિલ્લામાંથી લોકો ઉમટ્યા 

મહત્વનું  છે કે,  ઉનાળાની આ કાળઝાળ ગરમીથી રાહત મેળવવા લોકો કુદરતી સ્વિમિંગ પુલ એટલે કે જ્યાં નદી કે દરિયો હોય તેવાં સ્થળોએ જઇને નાહવાનો ભરપૂર આનંદ ઉઠાવે છે. ત્યારે હાલમાં રાજ્યમાં ગ્રામીણ અને પ્રકૃતિ પ્રેમીઓ માટે મહીસાગર નદી પણ આ ધકધકતા તાપમાં આશિર્વાદરૂપ બની છે. કુદરતી સ્વિમિંગ પુલમાં નાહવાની મઝા માણવા માટે માનવ મહેરામણ ઉમટ્યું છે. બાળકો અને પૂરા પરિવાર સાથે લોકો નદીમાં ઠંડકની મોજ માણી રહ્યાં છે. વહેતા પાણીમાં નાહવા અલગ-અલગ જિલ્લામાંથી લોકો ઉમટ્યા છે. પંચમહાલ, મહીસાગર, વડોદરા, ખેડા જિલ્લાના લોકો મહીસાગરમાં નાહવાનો આનંદ ઉઠાવી રહ્યાં છે.