ફાયદાકારક / બ્લીચ કરવાથી પણ ગરદનની હઠીલી કાળાશ દૂર ન થતી હોય તો, એકવાર માત્ર આ 5 ઉપાય કરો, તરત જ મળશે રિઝલ્ટ

• ઘણાં કારણોથી ગરદનની સ્કિન કાળી થઈ જાય છે
• ગરદનની કાળાશ દૂર કરશે આ નેચરલ ઉપાય
• રોજ કરશો તો ડાર્કનેસ થઈ જશે દૂર

ઘણાં લોકો વાળમાં હેઅર ડાઈ અને હેઅર કલર કરતાં હોય છે તેના કારણે પણ ગરદનની સ્કિન કાળી થઈ જાય છે. આ સમસ્યા માટે મહિલાઓ ખાસ ગરદન ચહેરાની સાથે ગરદન પર પણ બ્લીચ કરાવે છે, તેમ છતાં ત્યાંની સ્કિન કાળી જ રહે છે. તો આજે અમે તમને એવા નુસખા જણાવીશું, જે તમારી આ સમસ્યાને દૂર કરશે. તો જાણી લો.

ચણાનો લોટ

ચણાનો લોટ સ્કિન માટે બહુ જ ઉપયોગી છે. પણ ઘણાં લોકોને તેનાથી એટલે કઈ ફરક નથી પડતો કેમ લોકો રેગ્યુલર તેનો ઉપયોગ કરતાં નથી. ડેડ સ્કિન અને મેલ દૂર કરવા માટે ચણાનો લોટ ઉત્તમ છે. તેના માટે 1 ચમચી ચણાના લોટમાં અડધી ચમચી હળદર અને પેસ્ટ બને એટલું ગુલાબજળ મિક્સ કરીને ગરદન પર લગાવો. સૂકાયા બાદ ધોઈ લો. સપ્તાહમાં બેવાર આ ઉપાય કરો. 

દહીં

ગરદન પણ જામેલા મેલને દુર કરવા માટે એક મોટી ચમચી દહીંમાં હળદર મિક્સ કરી પેસ્ટ બનાવી લો. આ પેસ્ટને ગરદન પર લગાવી છોડી દો. 15 મિનિટ બાદ હૂંફાળા પાણીથી મસાજ કરી તેને ધોઈ નાંખો. થોડા જ દિવસમાં ફરક દેખાશે.

લીંબુનો રસ

લીંબુના રસમાં એસિડ હોય છે જે શરીરના અંગોનું કાળાપણું દૂર કરવામાં મદદ કરે છે. તમારી ગરદનની સુંદરતા વધારવા માટે લીંબુ બ્લીચનું કામ કરી શકે છે. આ માટે તમારે અડધી ચમચી લીંબુના રસમાં એક ચમચી ગુલાબજળ મિક્સ કરી લગાવી દો. આખી રાત તેને રહેવા દો. સવારે ગરદન પાણીથી ધોઈ લો. આમ કરવાથી તમારી ગરદન થોડા જ દિવસમાં ચમકી જશે.

ટામેટાં

1 ટામેટાંનો રસ કાઢીને તેમાં 1 ચમચી મધ મિક્સ કરીને ગરદન પર લગાવો. સૂકાય ગયા બાદ તેને હળવેથી રબ કરતાં ધોઈ લો. થોડાં જ સમયમાં તેની અસર દેખાવા લાગશે. સપ્તાહમાં બેવાર આ ઉપાય કરો. 

બેકિંગ સોડા

બેકિંગ સોડા દરેકના રસોડામાં હોય છે. તેનો ઉપયોગ માત્ર રસોઈ કરવા માટે જ નહીં પરંતુ ગરદનની સફાઈમાં પણ કરી શકો છો. તેને પાણીમાં મિક્સ કરી પેસ્ટ બનાવો. આ પેસ્ટને ગરદન પર 15 મિનિટ લગાવી છોડી દો. આમ કરવાથી ગરદન પર જામેલી ગંદકી અને ડાઘા-ધબ્બા દૂર થઈ જશે. તે ત્વચા પર હાઈપર પિગ્મેન્ટેશન દૂર કરવામાં પણ મદદ કરશે.