સ્કિનને ગ્લોઈંગ, ગોર્જિયસ રાખવા માટે માત્ર બહારથી જ નહીં પણ શરીરને હેલ્ધી રાખવું અને પોષક તત્વોની કમી દૂર કરવી પણ જરૂરી છે. તો ચાલો જાણીએ કઈ રીતે.
સ્કિનને હેલ્ધી રાખવા રોજ પીવો આ 1 ડ્રિંક
પોષક તત્વોથી ભરપૂર છે આ મેજિકલ ડ્રિંક
મોટી ઉંમર સુધી યંગ દેખાવા કરો આ ઉપાય
આજકાલની તણાવપૂર્ણ અને ખરાબ ખાનપાનવાળી જીવનશૈલીને કારણે રોગો વધવાની સાથે સ્કિન અને વાળને પણ સખત નુકસાન થઈ રહ્યું છે. બજારના ગમે એટલા પ્રોડક્ટ્સ કે ઘરેલૂ નુસખાઓનો ઉપયોગ કરવા છતાં ફરક પડતો નથી. જેથી સ્કિનને ગ્લોઈંગ, ગોર્જિયસ રાખવા માટે માત્ર બહારથી જ નહીં પણ શરીરને હેલ્ધી રાખવું અને પોષક તત્વોની કમી દૂર કરવી પણ જરૂરી છે. તેનાથી સ્કિનનો નિખાર પાછો આવી જાય છે અને સ્કિનની અન્ય સમસ્યાઓ પણ દૂર થાય છે. જેથી આજે અમે તમને એવી એક બેસ્ટ, હેલ્ધી અને ઘરમાં જ રહેલી વસ્તુઓમાંથી બનતી ડ્રિંક વિશે જણાવીશું, જેને રોજ પીવાથી તમારી સ્કિનનો નિખાર પાછો આવી જશે.
આ જ્યૂસને તૈયાર કરવું બહુ જ સરળ છે. મિક્સરમાં બધાં જ શાકભાજીને બરાબર મિક્સ કરી જ્યૂસ તૈયાર કરી લો. તમે ફ્લેવર માટે તેમાં આદુ પણ મિક્સ કરી શકો છો. આદુ પણ સ્કિન માટે બહુ જ લાભકારી હોય છે. તેના ઉપયોગથી ખીલ દૂર થાય છે અને સાથે આદુ એક નેચરલ સ્કિન ટોનરનું પણ કામ કરે છે. આ સિવાય તમે આ જ્યૂસમાં સિંધવ મીઠું, જીરૂં પાઉડર પણ ઉમેરી શકો છો.
આ છે ફાયદા
ગાજરમાં ભરપૂર પ્રમાણમાં વિટામિન સી હોય છે. તેમાં પ્રાકૃતિક રીતે સ્કિનને સારી બનાવવાના ગુણ હોય છે. સાથે જ ગાજરમાં રહેલું બીટા કેરોટીન સ્કિનમાં સોજા આવવાની સમસ્યાને દૂર કરવા માટે પણ કારગર છે.
નારંગી અને તેની છાલ સ્કિન માટે અનેક રીતે લાભકારક હોય છે. નારંગીમાં સિટ્રિક એસિડ હોય છે. જે સ્કિનને નિખારે છે. બીટમાં સ્કિનને નેચરલી ગ્લોઈંગ બનાવે છે અને લોહી પણ સાફ કરે છે. સાથે જ ટામેટાંમાં એન્ટીઓક્સીડેન્ટ અને લાઈકોપિન હોય છે. જે ડાર્ક સ્પોટ્સ દૂર કરે છે. લીંબુમાં રહેલાં એન્ટીબેક્ટેરિયલ ગુણ સ્કિન ઈન્ફેક્શન અને ખીલની સમસ્યા દૂર કરે છે.
આમ તો રોજ 1 વાર આ ડ્રિંક પીવી જ જોઈએ. પણ જો કોઈના લગ્ન થવાના હોય અને સ્કિન સંબંધી સમસ્યા હોય તો તેને દૂર કરવા અને સ્કિનનો ગ્લો વધારવા માટે પણ આ ડ્રિંક બેસ્ટ છે.