ગ્લોઈંગ સ્કિન / પાર્લર ગયા વિના દિવાળીમાં ચમકશે ચહેરો, આ નેચરલ બ્લીચથી સસ્તામાં આવશે જબરદસ્ત નિખાર

• દિવાળી પહેલાં કરો આ ઉપાય
• ચહેરો સસ્તામાં ચમકાવો
• નેચરલ બ્લીચ કરશે મદદ

દહીં

દહીંમાં ક્લીન્ઝિંગ એજન્ટ હોય છે. જે સ્કિનમાં રહેલી ગંદકી દૂર કરે છે અને પોર્સ ખોલે છે. જેનાથી સ્કિન સાફ થાય છે અને ગોરી બને છે. તેના ઉપાય માટે સૂતા પહેલાં રોજ ચહેરા પર દહીં લગાવો. 15 મિનિટ બાદ નવશેકા પાણીથી ધોઈ લો.

દૂધ

દૂધમાં લેક્ટિક એસિડ હોય છે. જે ચહેરાના ડેડ સ્કિન સેલ્સ દૂર કરે છે અને ગંદકી સાફ કરે છે. તેનાથી સ્કિન હેલ્ધી અને ગોરી બને છે. તેના ઉપયોગ માટે એક ચમચી દૂધમાં એક ચમચી મધ મિક્સ કરીને ચહેરા પર લગાવો. 15 મિનિટ બાદ ધોઈ લો. તમારી સ્કિન ઓઈલી હોય તો લો ફેટ દૂધનો ઉપયોગ કરો.

મધ

મધમાં એન્ટીઓક્સીડેન્ટ્સ હોય છે. જેનાથી સ્કિન ફેર અને સોફ્ટ બને છે. તેના ઉપયોગ માટે અડધી ચમચી મધમાં ચપટી તજનો પાઉડર મિક્સ કરીને ચહેરા પર લગાવો. સૂકાય ગયા બાદ ધોઈ લો.

મૂળા

મૂળામાં સ્કિનને ફેર, ટાઈટ અને બ્રાઈટ બનાવવાના ગુણ રહેલાં છે. તેના ઉપયોગ માટે મૂળાનો રસ ચહેરા પર લગાવી હળવા હાથે મસાજ કરો. 15 મિનિટ બાદ ધોઈ લો.