TMKOC / Sufferનામા : સૌને હસાવનાર 'નટુ કાકા' અંતિમ સમયમાં પાણી પણ નહોતા પી શકતા, બાઘાએ કર્યો પીડાદાયક ખુલાસો

• નટુ કાકા છેલ્લા સમયમાં બહુ હેરાન થયા
• તન્મય વેકરિયા ઉર્ફે બાઘાએ કહી આ વાત
• પાણી પણ નહોતા પી શકતા નટુ કાકા

77 વર્ષની ઉંમરમાં અવસાન
નટુકાકાનું હંમેશાથી સપનું હતું કે તે એક્ટિંગ કરતાં કરતાં જ દુનિયાને અલવિદા કહી દે અને ખરેખર તેવું જ થયું. તે કેન્સર સામે લડી રહ્યાં હતા તેમ છતાં શૂટિંગ પર આવતા હતા. તે સમયે તે કેવું ફીલ કરી રહ્યાં હતા તેનો ખુલાસો બાઘા ઉર્ફે તન્મય વેકરિયાએ કર્યો છે. 

બાઘાએ જણાવી દાસ્તાં
ઘનશ્યામ નાયકની બીમારી દરમિયાન તન્મય તેમના પરિવાર સાથે સંપર્કમાં રહેતો હતો. ઇન્ટરવ્યૂમાં તન્મયે કહ્યું કે, 'તે છેલ્લા 2-3 મહિનાથી ખુબ તકલીફમાં હતા અને મને એવું લાગે છે કે હવે તે સારી જગ્યાએ છે. હું સતત તેમના દિકરા સાથે સંપર્કમાં હતો. તેમણે જણાવ્યું કે નટુકાકા ખુબ દર્દમાં હતા અને તેના કારણે તેઓ અજીબ વ્યવહાર કરવા લાગ્યા હતા. તે ખાવાનું તો દુર પાણી પણ નહોતા પી શકતા. તેઓ ખુબ મુશ્કેલ સમયમાંથી પસાર થયા હતા. એક રીતે હવે તે ભગવાન પાસે સુરક્ષિત છે. તેમની આત્માને શાંતિ મળે.'

કામ માટે જનૂની હતા નટુ કાકા
તન્મયે આગળ કહ્યું કે, હું હંમેશા ઘનશ્યામજીને એક સારા વ્યક્તિના રૂપમાં જ યાદ કરીશ. મને નથી લાગતું કે હું તેમના જેવી કોઇ વ્યક્તિને મળી શકીશ. તે ખુબ સિંપલ હતા અને ક્યારેય કોઇના વિશે ખરાબ નહોતા બોલતા. તે સકારાત્મક વાતો જ કરતા હતા અને કામને લઇને હંમેશા ઉત્સાહિત રહેતા હતા. હું અને સમગ્ર ટીમ તેમને યાદ કરીશું.

આ ફિલ્મોમાં કર્યું કામ
ઉત્તર ગુજરાતના વાતની ઘનશ્યામ નાયક ભાવાઈ અને રંગભૂમિથી પ્રવેશીને હિન્દી ફિલ્મ/સીરીયાલ્સની દુનિયામાં ભારે સંઘર્ષ બાદ પહોચ્યા હતા. તેઓની ફિલ્મી સફરની વાત કરીએ તો તેમણે 34 જેટલી હિન્દી ફિલ્મોમાં કામ કર્યું હતું. અનીલ કપૂર અને સલમાન ખાનથી માંડીને સની દેઓલ જેવા કલાકારો સાથે કામ કરી ઘનશ્યામ નાયકે હિન્દી ચિત્રપટમાં પણ મોટું યોગદાન આપ્યું હતું. તેમની ફિલ્મ કારકિર્દી પર એક નજર - 1960માં બાળ કલાકાર તરીકે માસૂમ,1974 માં બાળક ધ્રુવ,1992માં બેટા, તિરંગા,1993માં આંખે, 1994માં લાડલા, ક્રાંતિવીર, ઇના મીના ડીકા, 1995માં આંદોલન, બરસાત, 1996માં માફિયા, ચાહત, ક્રિશ્ના,ઘાતક, ઈશ્ક(1997) 1998માં શ્યામ-ઘનશ્યામ ચાયના ગેટ, બારૂદ, કચ્ચે ધાગે, (1999)માં હમ દિલ દે ચૂકે સનમ, (2000) તેરા જાદૂ ચલ ગયા,2001માં ચહેરા મૌત કા, લજ્જા   (2003)તેરે નામ, શીકારી ઘનશ્યામ, ખાખી, પોલીસ ફોર્સ, પંગા ના લો, અંદર ટ્રાયલ, હલ્લો,હમ લલ્લન બોલ રહે હૈ, એક્કો,બાદશાહ,રાણી, લવની ભવાઈ