જંગ / રશિયા સામે 30 દેશોનો ઍટેકનો પ્લાન, NATOએ કરી પહેલી મોટી કાર્યવાહી, યૂક્રેનની મદદે તાબડતોબ સેના દોડાવી

• યૂક્રેન પર હુમલાની વચ્ચે NATOનો મોટો નિર્ણય
• NATOએ રશિયાની સામે શરુ કરી કાર્યવાહી
• નાટાઓ યૂક્રેન-રશિયાની સરહદ તરફ સેના મોકલી
• લાતવિયા પહોંચી સેના 

યૂક્રેન અને રશિયા વચ્ચે યુદ્ધ શરૂ થઈ ગયું છે. જેના પર ઘણા દેશોએ વાંધો ઉઠાવ્યો છે અને રશિયાની આ કાર્યવાહીની નિંદા કરી છે. હવે આ મામલે એક મોટું અપડેટ સામે આવ્યું છે. જેમાં કહેવાયું છે કે નાટો દેશોએ રશિયા સામે કાર્યવાહીની પહેલ શરૂ કરી દીધી છે. યુક્રેન પર થયેલા હુમલા બાદ નાટો દેશોની મોટી બેઠકમાં આ નિર્ણય લેવામાં આવ્યો હતો.

સાથી દેશો પરના હુમલાને નાટો પોતાના પર થયેલો હુમલો ગણે છે 
બેઠકમાં નાટોએ કહ્યું હતું કે તે સાથી દેશોની સુરક્ષા માટે પ્રતિબદ્ધ છે. જણાવી દઈએ કે નાટો દુનિયાભરના તમામ દેશોનું એક સૈન્ય સંગઠન છે, જે યુદ્ધની આવી સ્થિતિ માટે બનાવવામાં આવ્યું છે. જો નાટોમાં સામેલ કોઈ પણ દેશ પર હુમલો કરવામાં આવે તો તેને નાટો પર હુમલો માનવામાં આવે છે, ત્યારબાદ તમામ દેશો મળીને તે હુમલો કરનાર દેશ સામે કાર્યવાહી કરે છે.

અમેરિકાએ લશ્કર મોકલ્યું 

નાટોની આ કાર્યવાહીની પહેલ વચ્ચે અમેરિકાએ પોતાના સૈનિકોને યુક્રેન તરફ મોકલવાનું શરૂ કરી દીધું છે. રશિયાને ઘેરવા માટે અમેરિકી સેના લાટવિયા પહોંચી ગઈ છે. જે બાદ રશિયન સેનાને પાછળ ધકેલવાનું કામ થઈ શકે છે. રશિયા પોતાના હુમલાને રોકવા માટે તૈયાર નથી. રશિયાના રાષ્ટ્રપતિ વ્લાદિમીર પુતિને અન્ય દેશોને આ અંગે ચેતવણી આપી છે. તેમણે કહ્યું કે અન્ય દેશોએ આ મામલે દખલ કરવાનો પ્રયાસ ન કરવો જોઈએ.

નાટોમાં 30 દેશો સામેલ
1991ની સાલમાં સોવિયત સંઘની વિસ્તારવાદી નીતિને અટકાવવા માટે અમેરિકાએ નાટા (નોર્થ એટલાન્ટિક ટ્રીટ ઓર્ગેનાઈઝેશ) ની રચના કરી હતી હાલમાં નાટોમાં 30 દેશો સામેલ છે જેમા અમેરિકા, ફ્રાન્સ, બ્રિટન, જર્મની સહિતના કેટલાક દેશો સામેલ છે. યૂક્રેન પણ નાટોમા સામેલ થવા માગે છે પરંતુ યૂક્રેનનું નાટોમાં સામેલ થવું પ્રેસિડન્ટ પુતિનને જરા પણ મંજૂર નથી અને આ વાત આવતા જ તેઓ ભડકી ઉઠે છે. યૂક્રેન નાટોમાં સામેલ થાય તો નાટાની સેના રશિયાની સરહદ સુધી આવી ચડે અને તેનાથી પોતાના દેશને મોટો ખતરો તેવું રશિયા અને પુતિનને પાકા પાયે ખાતરી છે એટલે તેઓ કોઈ પણ હિસાબે યૂક્રેનને નાટામાં ભળવા દેવા માગતા નથી. હવે યૂક્રેને નાટોમાં ભળવાનો પ્રયાસ કર્યો એટલે રશિયાએ પહેલા તેના બે પ્રાંતને અલગ દેશ જાહેર કરી દીધા અને ત્યાર બાદ યૂક્રેનમાં લશ્કર ઘુસાડીને હવે યુદ્ધ ખેલી રહ્યું છે. 

પુતિન યૂક્રેનને કોઈ પણ ભોગે નાટોમાં સામેલ થવા દેવા માગતા નથી 
યુક્રેન સતત નાટોમાં જોડાવાની વાત કરતું આવ્યું છે, પરંતુ રશિયાએ હંમેશા તેનો વિરોધ કર્યો છે. કારણ કે રશિયા નથી ઇચ્છતું કે બાકીના દેશોની સેનાઓ યુક્રેનની સરહદો પર પોતાનો આધાર બનાવે. આ સાથે જ તેણે હંમેશા દુનિયાભરના દેશો સાથે વાત કરી છે કે તેઓ યુક્રેનના એ વિસ્તારોમાં હસ્તક્ષેપ ન કરે જેના પર રશિયાનો અધિકાર છે. પુતિનનું કહેવું છે કે તેઓ નાટોના વિસ્તરણની વિરુદ્ધ છે કારણ કે અમેરિકા તેમના માટે મોટો ખતરો છે અને તેને પોતાના દેશની સરહદોની નજીક આવવાની મંજૂરી આપી શકે નહીં.