AN-32 / લાપતા વિમાનનાં કાટમાળનાં સર્ચ ઓપરેશનનો વીડિયો વાયરલ, બચાવકાર્ય શરૂ

ન્યૂ દિલ્હીઃ ભારતીય વાયુસેનાનું ગુમ વિમાન AN32નાં કાટમાળનાં તપાસ અભિયાનનો પહેલો વીડિયો સામે આવ્યો છે. વાયુસેના દ્વારા આપવામાં આવેલ જાણકારી અનુસાર, એરફોર્સનાં ઓફિસરો, પર્વતારોહિયો અને સેનાની એક ટીમને તપાસ માટે રવાના કરવામાં આવેલ છે. આ વીડિયોને જોઇને એવો અંદાજો લગાવવામાં આવે છે કે બચાવકર્મીઓને કેવી રીતે મુશ્કેલીઓનો સામનો કરવો પડી રહ્યો છે. આપને જણાવી દઇએ કે 9 દિવસ પહેલા ગુમ થયેલ વાયુસેનાનાં આ વિમાનનો કાટમાળ મંગળવારનાં અરૂણાચલ પ્રદેશનાં ઘટાદાર જંગલોવાળા પર્વતીય ક્ષેત્રથી મળ્યો હતો. આ વિમાન અસમનાં જોરહાટથી ઉડાણ ભર્યા બાદ લાપતા થઇ ગયું હતું અને તેમાં 13 લોકો સવાર હતાં.

#WATCH: Indian Air Force (IAF) continues search operation in the area where wreckage of missing AN-32 aircraft was found yesterday. #ArunachalPradesh pic.twitter.com/yoAMGg5ORk

— ANI (@ANI) June 12, 2019

આ પહેલા વાયુસેનાએ એક નિવેદનમાં જણાવ્યું કે, 'તપાસ અભિયાનમાં જોડાયેલ વાયુસેનાનાં MI-17 હેલિકોપ્ટરે મંગળવારનાં રોજ ટાટોનાં ઉત્તર પૂર્વ અને લિપોનાં ઉત્તરમાં 16 કિ.મીનાં અંતર પર સમુદ્ર તળથી નજીક અંદાજે 12 હજાર ફૂટની ઉંચાઇ પર વિમાનનાં કાટમાળ વિશે જાણ્યું. વિમાનમાં સવાર લોકોને વિશે જાણવા માટે પ્રયાસ હાલમાં શરૂ છે.' વાયુસેનાનાં એક અધિકારીએ જણાવ્યું કે, AN-32નાં કાટમાળની ઓળખ બાદ એક ચીતા હેલિકોપ્ટર અને એક ALH હેલિકોપ્ટર ઘટનાસ્થળ પર પહોંચ્યા પરંતુ વધારે ઉંચાઇ અને ઘટાદાર જંગલોને કારણ જમીન પર ઉતરી ના શક્યાં. તેઓએ કહ્યું કે, 'જો કે નજીકનાં લેન્ડીંગ સ્થળની ઓળખ કરી લેવામાં આવી અને હેલિકોપ્ટરો દ્વારા બુધવારનાં સવારે બચાવ અભિયાન શરૂ થશે. જમીની દળ રાતમાં પણ ઘટનાસ્થળ પર પહોંચવાની કોશિશ કરશે.'

આ પહેલા એક અન્ય અધિકારીએ કહ્યું હતું કે વાયુસેના પોતાનાં વિશેષ કમાન્ડો 'ગરૂડ'ને દુર્ઘટનાસ્થળ પર મોકલશે અને જીવિત બચેલા લોકોની સંભાવના તપાસશે. અસમનાં જોરહાટથી અરૂણાચલ પ્રદેશનાં મેચુકા એડવાન્સ લેંડિગ ગ્રાઉન્ડ માટે ઉડાન ભરનારા AN-32 વિમાનનો સંપર્ક 3 જૂનનાં બપોરનાં તૂટી ગયો હતો. વિમાનમાં ચાલક દળનાં 8 સભ્યો અને 5 યાત્રીઓ સવાર હતાં. વાયુસેનાએ લાપતા વિમાનની શોધખોળ લગાવવા માટે મોટા વ્યવસાય પર અભિયાન ચાલ્યુ રાખ્યું હતું પરંતુ ખરાબ વાતાવરણને કારણ અહીં અભિયાન સંપૂર્ણ રીતે પ્રભાવિત થયું.