હવામાન / આ વખતની કડકડતી ઠંડી પડશે, શિયાળો હશે લાંબો, જાણો કયા રાજ્યમાં શું રહેશે સ્થિતિ

• શિયાળાની સિઝન આ વર્ષે રહેશે લાંબી
• 15 ઓક્ટોબરથી તાપમાનમાં ઘટાડો નોંધાશે
• હવામાન વિભાગે લગાવ્યું વધુ ઠંડી પડવાનું અનુમાન

દેશમાં આ વર્ષે કડકડતી ઠંડી પડશે.  શિયાળાની સિઝન આ વર્ષે  લાંબી રહેશે. 15 ઓક્ટોબરથી તાપમાનમાં ઘટાડો નોંધાશે એવું અનુમાન લગાવાઈ રહ્યું છે.  ઉત્તર ક્ષેત્રોમાં ભારે દબાણના કારણે હવાની ગતિ વધી છે. 

જમ્મૂ-કશ્મીર, હિમાચલ, ઉત્તરાખંડ, પંજાબમાં ચોમાસાએ અલવિદા કહ્યું  છે. ત્યારે હરિયાણા, રાજસ્થાન, પશ્ચિમ-ઉત્તર પ્રદેશ, મધ્યપ્રદેશમાં ચોમાસું પૂર્ણ

આવનારો શિયાળો ખેતી માટે મહત્વપૂર્ણ રહેશે. આ દરમિયાન ઈન્ડિયન ઈસ્ટિટ્યૂટ ઓફ વ્હીટ એન્ડ બારલે રિસર્ચના ડિરેક્ટર જેપી સિંહે કહ્યું છે કે જલ્દી શિયાળો ચાલુ થશે અને આ લાંબો શિયાળાની રવિ પાક માટે આ સારો રહેશે. ચોમાસાના સારા વરસાદને કારણે મધ્ય પ્રદેશ, ગુજરાત અને રાજસ્થાનની માટીમાં ભેજ છે જેના કારણે ઘઉંનો પાક સારો થઈ શકે છે. આનાથી વિરુદ્ધ ઉત્તરના રાજ્યો પંજાબ, હરિયાણા, હિમાચલ પ્રદેશ, ઉત્તરાખંડ અને પશ્ચિમ ઉત્તર પ્રદેશમાં સપ્ટેમ્બરમાં ઓછો વરસાદ થયો છે. જેના કારણે પાણીના સ્તર નીચા છે. ઘઉં ઉત્પાદન માટે આ રાજ્યોમાં ખેતી 100 ટકા સિંચિત છે.  પરંતુ ઠંડીની સિઝન લાંબી હોવાથી ઘઉંના ઉત્પાદન વધી શકે છે.