હવામાન / વેસ્ટર્ન ડિસ્ટબર્ન્સ ફરી સક્રિય, આ રાજ્યોમાં વરસાદની આગાહીથી ખેડૂતોની ચિંતા વધી

• પૂર્વોત્તર ભારતમાં ક્યાંક વરસાદ થઈ શકે 
•  વેસ્ટર્ન ડિસ્ટબર્ન્સ ના કારણે 9અને 10 ફેબ્રુઆરીએ વરસાદ થઈ શકે
• ભીષણ ઠંડી બાદ હવે વધશે ગરમી

 વેસ્ટર્ન ડિસ્ટબર્ન્સ ના કારણે 9અને 10 ફેબ્રુઆરીએ વરસાદ થઈ શકે

હવામાન વિભાગની જાણકારી અનુસાર વેસ્ટર્ન ડિસ્ટબર્ન્સના કારણે જમ્મુ કાશ્મીર, લદ્દાખ, ગિલગિટ- બાલટિસ્તાન, મુજફ્ફરાબાદ સહિત હિમાચલ પ્રદેશમાં આજે એટલે કે મંગળવારે વરસાદ થઈ શકે છે.  ઉત્તરાખંડના ઉત્તર ક્ષેત્રોમાંથી વેસ્ટર્ન ડિસ્ટબર્ન્સ ના કારણે 9અને 10 ફેબ્રુઆરીએ વરસાદ થઈ શકે છે. જો કે હવામાન વિભાગના અનુસાર ચમોલી જિલ્લામાં ગ્લેશિયર ફાટ્યા બાદ ચાલી રહેલા બચાવ કાર્ય પર કોઈ અસર નહીં પડે. આ દરમિયાન દિલ્હી અનસીઆરમાં આજે સવારે ધુમ્મસ જોવા મળ્યો હતો.

આજે પણ દિલ્હીમાં ઘણો ધુમ્મસ જોવા મળ્યો

રાજધાની દિલ્હીમાં 9 ફેબ્રુઆરી એટલે કે આજે પણ દિલ્હીમાં ઘણો ધુમ્મસ જોવા મળ્યો. ધુમ્મસના કારણે વિઝન ઘણું ઓછું રહ્યુ. હવામાન વિભાગના જણાવ્યાનુંસાર દિલ્હીમાં અત્યારે તાપમાન 10.2 ડિગ્રી સેલ્સિયસ છે. હવામાન વિભાગના જણાવ્યાનુંસાર દિલ્હીમાં આ અઠવાડિયે દિવસમાં વાતાવરણ સારુ રહેશે. રાતે અને સવારે ઠંડી રહેશે. જો કે વધારે ઠંડીની શક્યતા નથી. સ્કાઈમેટ વેધરના જણાવ્યાનુંસાર સવારના સમયે હળાવા અને મધ્યમ ધુમ્મસ અને ઘૂંઘળુ રહેવાનો અંદાજ છે. અઠવાડિયાના મધ્ય સુધી દિલ્હી- એનસીઆરમાં હળવા વાદળો દેખાઈ શકે છે.  હવામાં ઠંડી બનેલી રહેશે અને અઠવાડિયાના મઘ્યથી ઠંડી કંઈક વધારે વધી શકે છે.

પૂર્વોત્તર ભારતમાં ક્યાંક વરસાદ થઈ શકે 

સમગ્ર પૂર્વ અને પૂર્વોત્તર વિસ્તારના આ અઠવાડિયે કોઈ પણ મહત્વપૂર્ણ મૌસમી ગતિવિધિઓથી મુક્ત રહેશે. સ્કાઈમેટ વેધરનું માનીએ તો 13 અને 14 ફેબ્રુઆરીએ અરુણાચલ પ્રદેશમાં હળવા વરસાદનો અંદાજ છે.  સપ્તાહના મધ્યથી બિહાર, ઝારખંડ અને પશ્ચિમ બંગાળના મોટા ભાગના વિસ્તારમાં ઠંડી વધી શકે છે.  કેમ કે ઠંડી હવાઓની અસર વધી જશે.

ભીષણ ઠંડી બાદ હવે વધશે ગરમી

દક્ષિણ ભારતના રાજ્યોમાં આવનારા 2 અઠવાડિયામાં ગરમીનું વાતાવરણ શરુ થઈ જશે. જ્યારે ઉત્તરના રાજ્યોમાં સવારે અને રાતના સમયે ઠંડી આ દરમિયાન ચાલુ રહેશે. સ્કાઈમેટ વેધરના જણાવ્યાનુંસાર આવનારા દિવસોમાં વાતાવરણ ગરમ થવા જઈ રહ્યું છે. જો કે વચ્ચે વચ્ચે રોકાઈ રોકઈ પહાડો પર બરફ વર્ષા થાય છે તો તેની અસર ઉત્તર રાજ્યોમાં જોવા મળી શકે છે.