વાયરલ / VIDEO : મહિલા રીલ્સ બનાવા નદીમાં ઉતરી, ધસમસતા પ્રવાહમાં અચાનક લપસ્યો પગ અને..

Viral Video : સોશિયલ મીડિયામાં ફેમસ થવા માટે લોકો અલગ-અલગ પ્રકારની રિલ બનાવી રહ્યા છે. આપણે સોશિયલ મીડિયામાં જોઈએ તો દરરોજ અલગ-અલગ પ્રકારના વીડિયો સામે આવતા હોય છે. આવો જ એક વીડિયો સામે આવ્યો કે, જેમાં રિલના ચક્કરમાં એક યુવતીએ જીવ ગુમાવવો પડ્યો. આ વિડીયો હાલ સોશિયલ મીડિયા પર ખૂબ જ વાયરલ થઈ રહ્યો છે.

ઉત્તરકાશીના મણિકર્ણિકા ઘાટ પર થયેલા એક દુઃખદ અકસ્માતનો વીડિયો સોશિયલ મીડિયા પર વાયરલ થઈ રહ્યો છે. 14 એપ્રિલની આ ઘટનામાં ફોટો કે રીલ બનાવતી વખતે એક મહિલા ગંગા નદીમાં તણાઈ ગઈ હતી. વીડિયોમાં સ્પષ્ટપણે જોઈ શકાય છે કે, મહિલા કેમેરા તરફ જોતી વખતે ધીમે ધીમે નદી તરફ આગળ વધી રહી હતી ત્યારે અચાનક તેનો પગ લપસી ગયો અને તે ગંગાના જોરદાર પ્રવાહમાં તણાઈ ગઈ.

વીડિયોમાં સ્પષ્ટપણે જોઈ શકાય છે કે નદીનો પ્રવાહ એટલો ઝડપી છે કે મહિલા પોતાની જાતને કાબૂમાં રાખી શકતી નથી. ઘટનાની માહિતી મળતા જ SDRF અને સ્થાનિક પોલીસ ઘટનાસ્થળે પહોંચી ગઈ હતી અને બચાવ કામગીરી શરૂ કરવામાં આવી હતી. જોકે હજુ સુધી મહિલા વિશે કોઈ પત્તો લાગ્યો નથી.

વધુ વાંચો : VIDEO : દિલ્હી મેટ્રોમાં મહિલાઓએ ભજન ગાવાનું શરૂ કર્યું! CISF આવતા જોવા જેવું થયું

આ વીડિયો વાયરલ થયા પછી સોશિયલ મીડિયા પર લોકોએ ચિંતા વ્યક્ત કરી છે કે લોકો રીલ્સ અને સેલ્ફી માટે પોતાનો જીવ જોખમમાં મૂકી રહ્યા છે. ઘણી વખત રીલ બનાવવાની ઈચ્છામાં લોકો પોતાને જોખમમાં પણ મૂકે છે. તેઓ જ્યાં ઉભા છે ત્યાં પોતાની સુરક્ષાને શું પ્રાથમિકતા આપવી તેની તેમને પરવા નથી. તેવી જ રીતે નદી કિનારે ઊભા રહીને નદીના પ્રવાહને ધ્યાનમાં રાખવું જોઈએ. આવા ઘણા અકસ્માતોના વીડિયો વાયરલ થાય છે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ