કોરોના વાયરસની રસી બનાવવામાં સફળ રહેલી ઓક્સફર્ડની રસીનું ટ્રાયલ ભારતમાં કરવામાં આવશે. જેને લઈને તમામ તૈયારીઓ કરવામાં આવી રહી છે. ત્યારે આજે સત્તાવાર રીતે DBT સચિવ રેણુ સ્વરુપે માહિતી આપી હતી.
ઓક્સફોર્ડની કોરોના રસીનું થશે અંતિમ ટ્રાયલ
ભારતમાં પણ ઓક્સફોર્ડની રસી એસ્ટ્રાજેનેકાનું ટ્રાયલ થશે
ભારતમાં 5 સ્થળે ત્રીજા અને અંતિમ માનવ ટ્રાયલ થશે
રસીના ત્રીજા-અંતિમ ટ્રાયલ માટે સ્થળ કરાયા પસંદ
રશિયા બાદ ઓક્સફર્ડ કોરોનાની રસી બનાવવામાં સફળ રહ્યું છે. જેમાં તેઓનું ક્લીનીકલ અને હ્યુમન ટ્રાયલમાં પણ સફળતા મળી ચે જોકે તેનું પ્રોડક્શન ભારતમાં થવાનું હોઈ તેનું અંતિમ હ્યુમન ટ્રાયલ ભારતમાં થશે. આ ટ્રાયલ 5 સ્થળોએ કરવામાં આવશે જેની તમામ તૈયારીઓ પુરી થઈ ગઈ છે.
ભારતમાં ત્રીજુ અને અંતિમ માનવ ટ્રાયલ થવાનું છે. જે 5 સ્થળો પર કરવાની યોજના સરકારે બનાવી છે. જેના માટે સ્થળોની પસંદગી થઈ ગઈ છે. DBT સચિવ રેણુ સ્વરુપે આ અંગેની સત્તાવાર જાણકારી આપી હતી.
રસીના ઉત્પાદન અને સપ્લાય માટે યુનિએ કંપની સાથે કરાર કર્યા
ઉલ્લેખનીય છે કે એસઆઈઆઈના સીઈઓ અદાર પુનાવાલાએ કહ્યું હતું કે કંપનીએ વેક્સીનનું ત્રીજા ચરણનું પરિક્ષણ પુરુ થતા પહેલા 30 કરોડ રસી તૈયાર કરવાના કરાર કર્યા છે. જેમાં 20 કરોડ ડૉલરનો ખર્ચના રિસ્ક સાથે આ કરાર થયા છે. કારણ કે જો પરિક્ષણ સફળ રહ્યું તો કંપની ઝડપથી રસીનો સપ્લાય કરી શકે. આ ડોઝમાંથી અડધા ભારતના હશે.
60 દેશોની લગભગ 3 અરબ વસ્તીના સપ્લાય માટે એસઆઈઆઈ સાથે કરાર
પુનાવાલાએ તેમ પણ જણાવ્યું હતું કે ઓક્સફોર્ડ યુનિના વૈજ્ઞાનિકોએ ઉત્પાદન અને ભારત અને અન્ય 60 દેશોની લગભગ 3 અરબ વસ્તી માટે સપ્લાય માટે કરાર કર્યા છે. તેમણે કહ્યું કે 2 દિવસમાં કંપની ટ્રાયલ માટે ભારતના ડ્રગ્સ કંન્ટ્રોલમાં લાઈસન્સ માટે અપ્લાય કરશે. 2 વીકમાં અમને પરવાનગી મળવાની આશા છે. એ બાજ લગભગ 3 અઠવાડિયા વોલેન્ટિયર્સને હોસ્પિટલમાં લાવવામાં લાગશે. આ રીતે દોઢ મહિનાનો સમય ટ્રાયલમાં લાગશે.
નીતિ આયોગના સભ્ય વીકે પોલે કહ્યું કે સરકાર ઓક્સફઓર્ડ યુનિ દ્વારા તૈયાર રસીના ભારતમાં ત્રીજા ટ્રાયલ માટે સીરમને તમામ સુવિધા ઉપલબ્ધ કરાવશે. તેમજ જરુરી પરવાનગી ઝડપથી આપવામાં આવશે. દુનિયાને રસી ઝડપી પહોંચાડવામાં કોઈ ઢીલ નહીં કરવામાં આવે.
1000 રૂપિયા આસપાસ હોઈ શકે છે કિંમતઃ પૂનાવાલા
તેમણે વેક્સિનની કિંમત પર વાત કરતા કહ્યું કે, આ સમયે સમગ્ર દુનિયા કોરોના સામે લડી રહી છે, એટલા માટે આનો ભાવ ઓછામાં ઓછો રાખીશું. આના પર શરૂઆતમાં પ્રૉફિટ નહીં લેવામાં આવશે. તેમણે કહ્યું કે, બારતમાં આની કિંમત 1000 રૂપિયા આસપાસ અથવા તેનાથી પણ ઓછી હોઇ શકે છે. તેમણે કહ્યું કે, સમગ્ર દુનિયા કોરોના સંકટનો સામનો કરી રહી છે. એટલા માટે વેક્સિનની માંગ બહુ વધુ હશે. તેવામાં આપણે ઉત્પાદન અને ડિસ્ટ્રીબ્યૂશન માટે સરકારી મશીનરીની જરૂર પડશે.