કલમ 370 / સરકારે જમ્મુ- કાશ્મીરમાં 370ની કલમ ગેરબંધારણીય રીતે રદ્દ કરી છે? આજે સુનવણી

• J&Kમાંથી 370 હટાવવા વિરૂદ્ધ સુપ્રીમ કોર્ટમાં અરજીનો મામલો
• આજે સુપ્રીમકોર્ટના 5 જજોની બેંચ સુનાવણી કરશે
• ગેરબંધારણીય રીતે કલમ 370 હટાવી હોવાની રજૂઆત

જમ્મુ- કાશ્મીરમાં કલમ 370 વિરૂદ્ધ સુપ્રીમ કોર્ટમાં અરજી  કરવામાં આવી હતી.  જેમાં કલમ 370 હટાવવાના સરકારના નિર્ણયને ગેરકાયદેસર ગણાવ્યો હતો. આ અરજી પર સુપ્રીમ કોર્ટની પાંચ જજની બેંચ  આજે ચુકાદો સંભળાવશે.

કેન્દ્ર સરકારના નિર્ણયને SC માં પડકારવામાં આવ્યો હતો

ઉલ્લેખનીય છે કે જમ્મૂ -કશ્મીરમાંથી કલમ 370 હટાવ્યાં બાદ કેન્દ્ર સરકારના આ નિર્ણયને એક અરજદારે સુપ્રીમ કોર્ટમાં પડકાર્યો હતો. તેમજ તેણે અરજીમાં ઉલ્લેખ કરાયો હતો કે જમ્મૂ -કશ્મીરમાંથી સરકાર દ્વારા ગેરબંધારણીય રીતે કલમ 370 હટાવી દેવામાં આવી છે. જેના પર આજે સુપ્રીમ કોર્ટ નિર્ણય લેશે.

જમ્મુ -કાશ્મીરની પરિસ્થિતિમાં સતત સુધારો થઈ રહ્યો છે

કેન્દ્રએ 5 ઓગસ્ટ 2019માં જમ્મુ- કાશ્મીરમાંથી કલમ 370 હટાવવાનો નિર્ણય લેવામાં આવ્યો હતો. આ નિર્ણયને પડકારનારી અરજીના જવાબમાં કેન્દ્ર સરકારે કહ્યુ હતું કે જમ્મુ -કાશ્મીરની પરિસ્થિતિમાં બદલાવ લાવવા માટે કલમ 370 હટાવવામાં આવી છે. આ કલમ હટાવ્યા બાદ જમ્મુ -કાશ્મીરની પરિસ્થિતિમાં સતત સુધારો થઈ રહ્યો છે. તેમજ ભવિષ્યમાં પણ આ બદલાવ થતો રહેવાની આશા છે.