દુર્ઘટના / ફટાકડા ફેક્ટરીમાં થયો ભયાનક વિસ્ફોટ, આખે આખી બિલ્ડિંગ ધરાશાયી, રેસ્ક્યુ ઓપરેશન ચાલુ

ઉત્તર પ્રદેશના સાહરનપુર જિલ્લાના દેવબંદ વિસ્તારમાં આવેલી નિહાલ ખેડી ગામની ફટાકડાની ફેક્ટરીમાં શનિવારે ભયાનક વિસ્ફોટ થયો હતો. વિસ્ફોટ એટલો ભયાનક હતો કે આખી ફેક્ટરીની ઇમારત ધરાશાયી થઇ ગઇ હતી.

ઘટનમાં અંદાજે 4 જેટલા લોકોના મોત

ઘટના વખતે અંદાજે 9 લોકો અંદર કામ કરી રહ્યા હતા. પ્રારંભિક માહિતી મુજબ, આ દુર્ઘટનામાં આશરે 4 થી 5 કામદારોના મોત થયાની આશંકા છે, જોકે હજુ સુધી વહીવટીતંત્ર તરફથી સત્તાવાર પુષ્ટિ કરવામાં આવી નથી.

હજી પણ આંકડો વધી શકે

ઘટનાસ્થળેથી જે વિડિઓ સામે આવ્યા છે તે મુજબ, અકસ્માત એટલો ગંભીર હતો કે ઘણા લોકોના શરીરના અંગો અલગ અલગ જગ્યાએ વિખરાયેલા જોવા મળ્યા. કેટલાકના હાથ, પગ તૂટી ગયા હતા અને એક વ્યક્તિના હાથની હથેળી પણ કાપેલી હાલતમાં મળી આવી છે. વિસ્ફોટનો અવાજ બે કિલોમીટર દૂર સુધી સંભળાયો હતો, જે પરથી વિસ્ફોટની તીવ્રતા અંદાજી શકાય છે.

ફેક્ટરીને તાત્કાલિક સીલ કરવામાં આવી

અજ્ઞાત કારણોસર થયેલા આ વિસ્ફોટ બાદ ફેક્ટરી વિસ્તારને સીલ કરી દેવામાં આવ્યો છે. હાલ NDRF તથા સ્થાનિક પ્રશાસન દ્વારા રાહત અને બચાવ કામગીરી ચાલી રહી છે. એમ માનવામાં આવી રહ્યું છે કે હજુ પણ ફેક્ટરીના અવશેષોમાં કેટલાક લોકો દટાયા હોઈ શકે છે.

આ પણ વાંચો : સૂમસામ ઘરમાં ચાલી રહ્યું હતું રેકેટ, આ રીતે થઈ રહ્યા હતા સોદા, દરોડા પાડવા ગયેલી પોલીસ પણ રહી ગઈ દંગ

અધિકારીઓનું શું કહેવું છે?

અધિકારીઓ દ્વારા જણાવ્યું છે કે સમગ્ર ઘટનાની ગંભીરતાથી તપાસ કરવામાં આવશે અને જવાબદારો સામે કડક પગલાં લેવામાં આવશે. આ દુર્ઘટનાએ સમગ્ર વિસ્તારમાં દહેશતનો માહોલ ફેલાવી દીધો છે

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ