હવે બાબા રામદેવે આ રાજ્ય સરકાર સાથે મિલાવ્યો હાથ વેચશે ઘઉં ચોખા અને મધ

પોતાના વેપારી પ્રતિસ્પર્ધીઓને પાછળ છોડીને યોગ ગુરૂ બાબા રામદેવની પતંજલિ આયુર્વેદ હવે ઝારખંડ સરકારની સાથે કરાર કરશે. પતંજલિ આયુર્વેદ ઝારખંડમાં ઉત્પાદિત ઑર્ગેનિક ઉત્પાદનો જેવા શહદ ઘઉં ચોખા અને શાકભાજીને બજારમાં વેચશે. આ જાહેરાત મુખ્યપ્રધાન રઘુબર દાસે વૈશ્વિક કૃષિના ખાદ્ય શિખર સંમેલનમાં કરી છે. તેમણે જણાવ્યું કે રાજ્ય સરકાર આ સંદર્ભે પતંજલિ આયુર્વેદની સાથે એમઓયૂ પર હસ્તાક્ષર કરશે.

મુખ્યપ્રધાન રઘુબર દાસે જણાવ્યું પ્રદેશમાં જૈવિક ખેતીને પ્રોત્સાહન આપવા માટે રાજ્ય સરકારે બધા 24 જિલ્લામાં ઑર્ગેનિક કલ્સ્ટર સ્થાપિત કર્યા છે. આ ઉત્પાદનોને ઝારખંડ જૈવિક બ્રાન્ડ હેઠળ વેચવામાં આવશે. મુખ્યપ્રધાને વધુમાં કહ્યું કે રાજ્યમાં શહદ પ્રસંસ્કરણ એકમ લગાવવા માટે પતંજલિ આયુર્વેદની સાથે વધુ એક કરાર કરાશે.

આ પ્રસંગે બાબા રામદેવે કહ્યું કે પતંજલિ આયુર્વેદ રાજ્યમાં ઑર્ગેનિક ખેતી દ્વારા ઉત્પાદિત મઘ ઘઉં ચોખા અને શાકભાજીઓ અને અન્ય ઉત્પાદનોને ખરીદશે. તેમણે કહ્યું કે ઝારખંડને કૃષિ ક્ષેત્રમાં દેશનું અગ્રણી રાજ્ય બનાવવાની ક્ષમતા છે પતંજલિ હવે રાજ્ય સરકારની સાથે ખેડૂતોને સમૃદ્ધ બનાવવાનું કામ કરશે.

ઉલ્લેખનીય છે કે પતંજલિ આયુર્વેદ ઘણાં ખાદ્ય અને સૌદર્ય ઉત્પાદનોને વેચે છે. આ ઉત્પાદનોમાં હર્બલ આયુર્વેદ પ્રાકૃતિક શુદ્ધ ઉત્પાદન સૌદર્ય પ્રસાધન પર્સનલ કેર પશુ આહાર જૈવિક ખાદ્ય ડેરી ઉત્પાદન બોટલવાળું પાણી સામેલ છે. પતંજલિએ આખા દેશમાં પોતાના રિટેલ આઉટલેટ દ્વારા હજારો કરોડ રૂપિયાના ઉત્પાદન વેચ્યા છે.

ગયા મહિને બાબા રામદેવની પતંજલિએ ફેશન અને કપડાંની નવી પ્રોડક્ટ રેન્જ લૉન્ચ કરી છે. પોતાના નવા ઉપક્રમ ‘પરિધાન’નું પહેલું આઉટલેટ પતંજલિએ દિલ્હીમાં ખોલ્યુ છે. પતંજલિ પરિધાનના ત્રણ બ્રાન્ડ છે જેમાં આસ્થા સંસ્કાર અને લાઇવ ફિટ સામેલ છે. આ બ્રાન્ડ હેઠળ પતંજલિ 3500થી વધુ વિવિધતાવાળા કપડાં ઘરના કપડાં બૂટ શણગારની સામગ્રી અને એસેસરીઝ તૈયાર આપી રહીં છે.