મોટા સમાચાર / અમિત શાહ મોડી રાત્રે AIIMSમાં થયા દાખલ, શ્વાસ લેવામાં પડી રહી હતી તકલીફ

• અમિત શાહને દિલ્હી સ્થિત એમ્સ દાખલ કરવામાં આવ્યા છે
•  ડૉ. રણદીપ ગુલેરિયાના નેતૃત્વમાં તેમની સારવાર ચાલી રહી છે
• તેમને રાતે 2 વાગે એમ્સના ઓલ્ડ પ્રાઈવેટ વોર્ડમાં ભરતી કરવામાં આવ્યા 

કોરોના વાયરસની ઝપેટમાં આવ્યા હોવાથી ગુરુગ્રામના મેદાંતા હોસ્પિટલમાં તેમને ભરતી કરવામાં આવ્યા હતા.  14 ઓગસ્ટના રોજ તેઓ કોરોનાને હરાવી ચૂક્યા હતા. તેમણે આ માહિતી પોતે ટ્વીટ કરીને આપી હતી. તેમને શુક્રવારે સાંજે 5.58 મિનિટે રજા આપી દેવામાં આવી હતી. જો કે ડૉક્ટરોની સલાહથી તેઓ સ્વાસ્થ્યનું ધ્યાન રાખી રહ્યા હતા. જો કે રાત્રે 2 વાગે તેમની તબિયતને પગલે તેમને દાખલ કરવામાં આવ્યા છે. જેને પગલે ચિંતા વધી છે.

ઉલ્લેખનીય છે કે કોરોનાને હરાવી શુક્રવારે પોતાના સ્વાસ્થ્યને લઈને અમિત શાહે ટ્વીટ કર્યુ હતું. તેમણે જણાવ્યું હતું કે આજે (શુક્રવારે) મારો કોરોના રિપોર્ટ નેગેટિવ આવ્યો છે. હું ઈશ્વરનો આભાર વ્યક્ત કરુ છુ અને આ સમયે જે લોકોએ મારા સારા સ્વાસ્થ્યની શુભકામનાઓ આપી મારુ અને મારા પરિવારનું મનોબાળ વધાર્યુ છે તે તમામનો હું દિલથી આભાર માનું છું.

ડૉક્ટરની સલાહથી હું થોડાક વધારે દિવસો માટે હોમ આઈસોલેશનમાં રહીશ. સાથે ટ્વીટ કરી કહ્યું કોરોના સામે લડવામાં મદદ કરનારા અને મારી સારવાર કરનારા મેદાંતા હોસ્પિટલના ડૉક્ટર અને પેરામેડિકલ સ્ટાફનો હું આભાર વ્યક્ત કરુ છું.