કોન્ફરન્સ / કેવડિયામાં આજથી નેશનલ જ્યૂડિશિયલ કોન્ફરન્સ: રાષ્ટ્રપતિ રામનાથ કોવિંદ કરશે ઉદ્ધાટન, રાજ્યના તમામ મહાનુભાવો રહેશે હાજર

• કેવડિયા ટેન્ટસિટીમાં યોજાશે નેશનલ જ્યૂડિશિયલ કોન્ફરન્સ
• મુખ્યમંત્રી ભૂપેન્દ્ર પટેલ પણ કેવડિયા પહોંચશે
• કેન્દ્રીય કાયદામંત્રી કિરણ રિજીજૂ પણ આપશે હાજરી

આજથી કેવડિયા ટેન્ટસિટીમાં યોજાશે નેશનલ જ્યૂડિશિયલ કોન્ફરન્સ

નર્મદા કેવડીયા ટેન્ટ સીટી ખાતે આજથી  બે દિવસીય નેશનલ જ્યૂડિશિયલ કોન્ફરન્સનું આયોજન કરાયુ છે. જેમાં ગુજરાત હાઇકોર્ટના મુખ્ય ન્યાયાધીશ જસ્ટીસ અરવિંદકુમાર અને હાઇકોર્ટના અન્ય ન્યાયાધીશોના માર્ગદર્શન અન્વયે નેશનલ જ્યુડિશિયલ કોન્ફરન્સનું ગુજરાત હાઇકોર્ટ દ્વારા તારીખ 9 અને 10 એપ્રિલ ના રોજ સ્ટેચ્યુ ઓફ યુનિટી પાસે કેવડિયા ટેન્ટસીટી ખાતે આયોજન કરવામાં આવ્યું છે. જેમાં મધ્યસ્થીકરણ અને ઈન્ફર્મેશન ટેકનોલોજી વિષય પર સત્ર યોજાશે.

Heartiest welcome of Hon'ble President Shri Ram Nath Kovind Ji in Gujarat.

He will inaugurate a National Conference on Mediation and IT being organised by the High Court of Gujarat in Ekta Nagar.

He will also inaugurate the Madhavpur Ghed Fair-2022. pic.twitter.com/DogrbF5z1r

— Harsh Sanghavi (@sanghaviharsh) April 9, 2022

રાષ્ટ્રપતિ રામનાથ કોવિંદ જ્યૂડિશિયલ કોન્ફરન્સમાં આપશે હાજરી 

આ કોન્ફરન્સમાં રાષ્ટ્રપતિ રામનાથ કોવિંદ, ગુજરાતના માનનીય રાજ્યપાલ આચાર્ય દેવવ્રત તેમજ ભારતના મુખ્ય ન્યાયાધીશ એન.વી.રમણ આ કોન્ફરન્સના ઉદ્ઘાટન પ્રસંગે ઉપસ્થિત રહેશે. તેમજ ન્યાયના મંત્રી કિરણ રિજિજુ અને જસ્ટીસ એલ. નાગેશ્વર રાવ, જસ્ટીસ એસ. અબ્દુલ નઝીર, જસ્ટીસ એમ.આર.શાહ, જસ્ટીસ વિક્રમ નાથ અને જસ્ટીસ બેલા એમ. ત્રિવેદી સર્વોચ્ચ અદાલતના ન્યાયાધીશો પણ આ કોન્ફરન્સમાં વિશેષ અતિથિઓ તરીકે ઉપસ્થિત રહેશે.