નવો રેકૉર્ડ / કેન્દ્ર સરકારે 18 કલાકમાં એવું કામ કરી નાખ્યું કે લિમ્કા બુક ઓફ રેકૉર્ડ્સમાં નોંધાયું નામ

• કેન્દ્ર સરકારનો નવો રેકૉર્ડ
• 18 કલાકમાં બનાવી દીધો 25.54 કિલોમીટર હાઈવે
• કેન્દ્રીય પરિવહન મંત્રી નિતિન ગડકરીએ ટ્વિટ કરીને આપી માહિતી

નેશનલ હાઈવે ઓથોરિટીએ માત્ર 18 કલાકમાં 25.54 કિમી સિંગલ લેનનું નિર્માણ કરી લિમ્કા બુક ઓફ રેકોર્ડ્સ નામ દાખલ કરાવી લીધું છે. કેન્દ્રીય પરિવહન મંત્રી નિતિન ગડકરીએ ટ્વિટ કરીને આ વાતની માહિતી આપી અને જણાવ્યું કે, ચાર લાઇનોના હાઇવેનો એક રોડ માત્ર 18 કલાકમાં તૈયાર કરી દીધો છે.

આ રોડની લંબાઈ 25.54 કિલોમીટર બતાવવામાં આવી રહી છે. કેન્દ્રીય મંત્રી નિતિન ગડકરીએ ટ્વિટ કર્યું કે, સોલાપુર-વિઝાપુર રાજમાર્ગ પર 4-લેનિંગ કાર્યના અંતર્ગત 25.54 કિલોમીટરની સિંગલ લેન નિર્માણ કાર્યને 18 કલાકમાં પૂર્ણ કર્યું છે, જેને લિમ્કા બુક ઑફ રેકૉર્ડ્સમાં દાખલ કરવામાં આવશે.

राष्ट्रीय राजमार्ग प्राधिकरण (@NHAI_Official) ने हाल ही में सोलापुर-विजापुर राजमार्ग पर 4-लेनिंग कार्य के अंतर्गत 25.54 किलोमीटर के सिंगल लेन डांबरीकरण कार्य को 18 घंटे में पूरा किया है, जिसे 'लिम्का बुक ऑफ रेकॉर्ड्स' में दर्ज किया जाएगा। pic.twitter.com/tP6ACFGblP

— Nitin Gadkari (@nitin_gadkari) February 26, 2021

કેન્દ્રીય મંત્રી નિતિન ગડકરીએ વધુમાં લખ્યું કે, કોન્ટ્રાક્ટર કંપનીના 500 કર્મચારીઓએ આના માટે મહેનત કરી છે. હું તે કર્મચારીઓ સહિત નેશનલ હાઈવે ઓથોરિટીના પ્રોજેક્ટ ડાયરેક્ટર, અધિકારી, કોન્ટ્રાક્ટર કંપનીના સભ્યો અને પ્રોજેક્ટના અધિકારીઓનો આભાર વ્યક્ત કરું છું. કેન્દ્રીય મંત્રીએ જણાવ્યું કે, હાલમાં સોલાપુર-વિઝાપુર હાઈવેના 110 કિમીનું કામ ચાલી રહ્યું છે જે ઓક્ટોબર 2021 સુધીમાં પૂર્ણ થઇ જશે.

ठेकेदार कंपनी के 500 कर्मचारियों ने इसके लिए मेहनत की है। मैं उन कर्मचारियों सहित राष्ट्रीय राजमार्ग प्राधिकरण के परियोजना निदेशक, अधिकारी, ठेकेदार कंपनी के प्रतिनिधि और परियोजना अधिकारियों का अभिनंदन करता हूं। pic.twitter.com/KNbDWsoCnq

— Nitin Gadkari (@nitin_gadkari) February 26, 2021

આ મહિને વધુ એક રેકોર્ડ પણ બનાવ્યો હતો

જણાવી દઇએ કે, કેન્દ્ર સરકારે આ સિવાયે આ જ મહિને વધુ એક રેકોર્ડ પોતાના નામે દાખલ કર્યો હતો. સરકારે ચાર લાઇનના હાઈવે પર સૌથી વધુ સંખ્યામાં કોંક્રીટ પાથરવાનો વિશ્વ રેકોર્ડ બનાવ્યો હતો. આ પટેલ ઇન્ફ્રાસ્ટ્રક્ચર દ્વારા મેળવવામાં આવ્યો હતો. આ હાઈવે ગ્રીનફીલ્ડ દિલ્હી-વડોદરા-મુંબઈ 8 લેન પ્રોજેક્ટનો ભાગ છે. આના પર ઓટોમેટીક અલ્ટ્રા આધુનિક કોંક્રિટ પેવર મશીનથી કરવામાં આવી રહ્યું છે.