નેશનલ હેરાલ્ડ કેસ / રાહુલ ગાંધીને ED એ મોકલ્યુ નવું સમન્સ: હવે આ તારીખે પૂછપરછ માટે કોંગ્રેસ નેતાને બોલાવ્યા

• નેશનલ હેરાલ્ડ કેસમાં રાહુલ ગાંધીને નવું સમન્સ મળ્યું
• આ તારીખે ઈડીની ઓફિસમાં હાજર રહેવા જણાવ્યું
• સોનિયા ગાંધી અને રાહુલ ગાંધી બંનેને મળ્યા છે સમન્સ

નેશનલ હેરાલ્ડ (National herald) અખબાર સાથે જોડાયેલ મની લોન્ડ્રીંગ કેસમાં કોંગ્રેસ નેતા રાહુલ ગાંધીને હવે 13 જૂને ઈન્ફોર્સમેંટ ડિરોક્ટરેટ (Enforcement Directorate)ની સામે હાજર થવા માટે કહેવામાં આવ્યું છે, કારણ કે તેમણે નવી તારીખની માગ કરી હતી, હાલમાં તેઓ દેશની બહાર છે. અગાઉ EDએ પૂછપરછ માટે કોંગ્રેસ અધ્યક્ષ સોનિયા ગાંધી અને પાર્ટી નેતા રાહુલ ગાંધીને સમન્સ જાહેર કર્યું હતું. સોનિયા ગાંધીને ઈડીએ 8 જૂનના રોજ દિલ્હી સ્થિત પોતાની ઓફિસે હાજર થવા માટે કહ્યું હતું. જ્યારે રાહુલ ગાંધીને બે જૂનના રોજ હાજર થવા માટે કહ્યું હતું, પણ તે થઈ શક્યુ નહીં અને ત્યાર બાદ EDએ ફરી વાર સમન્સ જાહેર કર્યું હતું.

National Herald case: Enforcement Directorate issues fresh summons to Rahul Gandhi

Read @ANI Story | https://t.co/X85Ep4Qvd9#NationalHeraldCase #RahulGandhi #ED pic.twitter.com/8cdRToiAYj

— ANI Digital (@ani_digital) June 3, 2022

અભિષેક મનુ સિંઘવીએ આ વાત કહી

કોંગ્રેસ નેતા અભિષેક મનુ સિંઘવીએ જણાવ્યું હતું કે, સોનિયા ગાંધી સમન્સનું પાલન કરશે, રાહુલ ગાંધી તપાસ માટે હાજર થવાની તારીખ 5 જૂન સુધી ટાળી દેવા માટે પત્ર લખ્યો હતો, જો આ દરમિયાન તેમણે આરોપ લગાવ્યો હતો કે, મોદી સરકાર જાણી જોઈને આ પ્રકારના ખોટા અને ઉભા કરેલા કેસ નોંધીને કાયરતાપૂર્ણ હરકત કરીને સફળ થઈ શકશે નહીં. EDના અધિકારીઓનું કહેવુ છે કે, Prevention of Money Laundering Act, 2002 અંતર્ગત રાહુલ ગાંધી અને સોનિયા ગાંધીના નિવેદન નોંધવા માગે છે. 

ગત રોજ સોનિયા ગાંધી કોરોનાથી સંક્રમિત થયા

આ અગાઉ કોંગ્રેસ અધ્યક્ષ સોનિયા ગાંધી ગુરુવારે કોરોનાથી સંક્રમિત થયા હતા, તેમને કોરોનાથી સંક્રમિત થયા બાદ EDસમક્ષ હાજર થવા 8 જૂને આવશે કે નહીં તે અંગે સંશય થયો હતો.