કોંગ્રેસ નેતા રાહુલ ગાંધીની ઈડીની પૂછપરછના વિરોધમાં કોંગ્રેસની મહિલા નેતા નેત્તા ડીસોઝાએ એક શરમજનક કામ કરી નાખ્યું
રાહુલ ગાંધીની ઈડીની પૂછપરછનો કોંગ્રેસનો વિરોધ
મહિલા નેતા નેત્તા ડીસોઝાએ કર્યું શરમજનક કામ
પોલીસના જવાનો પર થૂક્યા
વીડિયો થયો વાયરલ
લોકશાહીમાં વિરોધનો દરેકને અધિકાર છે પરંતુ સરકારી નોકરની સામે કોઈ પણ વ્યક્તિ અભદ્ર વ્યવહાર ન કરી શકે. હાલમાં નેશનલ હેરાલ્ડ કેસમાં ઈડી રાહુલ ગાંધીની પૂછપરછ કરી રહી છે અને કોંગ્રેસનો તેનો મોટાપાયે વિરોધ કરી રહી છે.
કેમેરાની સામે પોલીસકર્મીઓ પર થૂંક્યા મહિલા નેતા
દિલ્હીમાં રાહુલ ગાંધીની ઈડીની પૂછપરછનો વિરોધ દરમિયાન કોંગ્રેસ મહિલા પાંખના પ્રેસિડન્ટ નેત્તા ડીસોઝાને દિલ્હી પોલીસ દ્વારા અટકાયતમા લેવાયા હતા. દિલ્હી પોલીસકર્મીઓએ તેમને બસમાં બેસાડી દીધા હતા અને આ દરમિયાન ડિસોઝા પોલીસકર્મીઓ પર થૂંક્યા હતા અને કેમેરાની સામે આ ઘટના બની હતી.
ભાજપે આકરી ટીકા કરી
ભાજપે આ ઘટનાને નાલોશીભરી ગણાવીને તેની ઉગ્ર ટીકા કરી છે. પાર્ટી પ્રવક્તા શહેઝાદ પૂનાવાલાએ કહ્યું કે "શરમજનક અને ઘૃણાસ્પદ. આસામમાં પોલીસને માર માર્યા બાદ, હૈદરાબાદ પર કોલર પકડ્યા બાદ હવે મહિલા કોંગ્રેસ અધ્યક્ષ નેટ્ટા ડિસોઝા પોલીસ અને મહિલા સુરક્ષા કર્મચારીઓ પર થૂંકે છે, કારણ કે રાહુલની ઇડી દ્વારા ભ્રષ્ટાચાર માટે પૂછપરછ કરવામાં આવી રહી છે. શું સોનિયા, પ્રિયંકા અને રાહુલ તેમના પર કાર્યવાહી કરશે.
Shameful & Disgusting
After beating up cops in Assam, holding their collar on Hyderabad now Mahila Congress President Netta Dsouza spits at cops & women security personnel merely because Rahul is being questioned by ED for corruption
ડિસોઝાએ ફ્લાઈટમાં સ્મૃતિ ઇરાનીને ભાવવધારા અંગે સવાલ કર્યાં હતા
ઉલ્લેખનીય છે કે કોંગ્રેસ નેતા ડિસોઝાએ એપ્રિલમાં ઇન્ડિગોની દિલ્હી-ગુવાહાટી ફ્લાઇટમાં સવાર કેન્દ્રીય પ્રધાન સ્મૃતિ ઇરાનીને ભાવવધારાને લઈને સવાલ કર્યા હતા. તેમણે કહ્યું હતું કે દેશમાં મોંઘવારી ક્યારે ઘટશે. કોંગ્રેસ નેતાએ આ ઘટનાનો એક ટૂંકો વીડિયો પણ ટ્વિટર પર પોસ્ટ કર્યો હતો, જેમાં તેમણે મહિલા અને બાળ વિકાસ પ્રધાનને રાંધણ ગેસ અને પેટ્રોલના વધતા જતા ભાવો વિશે પૂછ્યું હતું.
કોંગ્રેસ નેતા રેણુકા ચોધરીએ પણ પોલીસકર્મીનો કોલર પકડ્યો હતો
હૈદરાબાદમાં કોંગ્રેસ પાર્ટી દ્વારા આયોજિત આવા જ વિરોધ પ્રદર્શન દરમિયાન કોંગ્રેસના નેતા રેણુકા ચૌધરીએ એક પોલીસકર્મીનો કોલર પકડ્યાના થોડા દિવસો પછી તાજેતરની ઘટના સામે આવી છે. ચૌધરી પર એક પોલીસ પર હુમલો કરવાનો આરોપ મૂકવામાં આવ્યો હતો, પરંતુ રાજકારણીએ તેના બચાવમાં કહ્યું હતું કે તેણીએ પોતાનું સંતુલન ગુમાવ્યું હતું અને પોતાને સ્થિર કરવા માટે પોલીસમેનનો કોલર પકડ્યો હતો.