કોવિડ ૧૯ / કોરોના રસીકરણની ગતિ વધારવા મોદી સરકારનો મોટો નિર્ણય, હવેથી થશે આ કામ

• મોદી સરકારે લીધો મહત્વનો નિર્ણય 
• રસીકરણની ઝડપ વધારવા ૨૪ કલાક ચાલશે રસીકરણ પ્રક્રિયા 
• દેશના નાગરિકો કોઈ પણ સમયે લઈ શકશે રસી

કેન્દ્ર સરકારે હોસ્પિટલોમાં કોવિડ રસીકરણ માટેની સમય મર્યાદાને દૂર કરી દીધી છે અને રાઉન્ડ-ધ-ક્લોક ૨૪*૭ રસીકરણ પ્રોગ્રામને મંજૂરી આપી છે. કેન્દ્રીય આરોગ્ય પ્રધાન ડો.હર્ષવર્ધન દ્વારા આજે આ નિર્ણયની પુષ્ટિ કરવામાં આવી હતી કે રસીકરણની ગતિ વધારવા માટે આ પગલું ભરવામાં આવ્યું છે. ડો.હર્ષ વર્ધને જણાવ્યું હતું કે, રસીકરણ માટે ચોક્કસ કાર્યક્રમનું પાલન હવેથી હોસ્પીટલો માટે જરૂરી નથી. દેશના નાગરિકો હવે તેમની સુવિધા મુજબ 24x7 રસી લઈ શકે છે.

સમયમર્યાદા નાબૂદ કરી 

આરોગ્ય પ્રધાન ડો.હર્ષ વર્ધને ટ્વીટ કર્યું હતું કે સરકારે રસીકરણની ગતિ વધારવા માટે સમય મર્યાદા નાબૂદ કરી છે. દેશના નાગરિકો માટે ૨૪ કલાકમાં ગમે ત્યારે રસી લેવાનો વિકલ્પ ઊભો થયો છે. પીએમ નરેન્દ્ર મોદી દેશના નાગરિકોના સ્વાસ્થ્યની સાથે તેમના સમયની કિંમતને પણ સમજે છે.

કોરોના રસીકરણનો બીજો તબક્કો 1 માર્ચથી શરૂ થયો છે

કોવિડ -19 ની રાષ્ટ્રવ્યાપી રસીકરણ અભિયાન 16 જાન્યુઆરીએ આરોગ્ય કર્મચારીઓની રસીકરણથી શરૂ થયું હતું. તે જ સમયે, ફ્રન્ટ લાઇન વર્કસનું રસીકરણ 2 ફેબ્રુઆરીથી શરૂ થઈ હતી. ત્યારબાદ, 1 માર્ચથી 60 વર્ષથી વધુ ઉંમરના લોકો અને 45 વર્ષથી વધુ ઉંમરના લોકો જે ગંભીર રોગોથી પીડાઈ રહ્યા છેનું રસીકરણ શરૂ થઈ ગયું છે. મહત્વનું છે કે પહેલા દરેક કેન્દ્ર પર સવારે 9 થી સાંજના 3 વાગ્યા સુધીનો સમય રસીકરણ માટે નક્કી કરવામાં આવ્યો હતો, પણ હવે તે ફેરવી દેવાયો છે અને હાલ સુધીમાં 1.56 કરોડ લોકોને રસી અપાઈ ચૂકી છે.