નેશનલ / યુટ્યુબર જ્યોતિ રાની કેવી રીતે બની પાકિસ્તાની જાસૂસ? તેના પિતાએ જણાવી ઈનસાઈડ સ્ટોરી

Jyoti Malhotra Arrest : ભારત-પાકિસ્તાન તણાવ વચ્ચે હરિયાણાથી એક યુટ્યુબરની પાકિસ્તાન માટે જાસૂસી કરવાના આરોપસર ધરપકડ બાદ હવે એક બાદ એક ખુલાસા થઈ રહ્યા છે. યુટ્યુબર જ્યોતિ મલ્હોત્રાની પાકિસ્તાન માટે જાસૂસી કરવાના આરોપસર ધરપકડ કરવામાં આવી છે. શનિવારે કોર્ટે તેને 5 દિવસના પોલીસ રિમાન્ડ પર મોકલી આપી હતી. આ કિસ્સામાં જ્યોતિ મલ્હોત્રાની અંદરની વાત સામે આવી છે કે, જે તેના પિતા હરીશ કુમાર મલ્હોત્રાએ મીડિયા સાથે શેર કરી છે.

જ્યોતિ રાની મલ્હોત્રાના પિતા હરીશ વીજળી વિભાગના નિવૃત્ત કર્મચારી છે. મીડિયા સાથે વાત કરતી વખતે તેમણે પોતાની પુત્રી વિશે ઘણા ખુલાસા કર્યા. પિતાએ કહ્યું કે, મને ખબર નથી કે તે પાકિસ્તાન સિવાય બીજા કોઈ દેશમાં ગઈ છે કે નહીં. તેમણે કહ્યું કે, તે જ્યોતિની માતાથી છૂટાછેડા લઈ ચૂક્યા અને તેમને જ્યોતિ સાથે કોઈ લેવાદેવા નથી.

20 હજાર રૂપિયાની નોકરી કરતી હતી જ્યોતિ મલ્હોત્રા

પિતાએ વધુમાં જણાવ્યું કે, લોકડાઉન સુધી જ્યોતિ દિલ્હીમાં 20 હજાર રૂપિયામાં કામ કરતી હતી. લોકડાઉન પછી તેણીએ નોકરી ગુમાવી દીધી અને તેણી પોતાનો બધો સામાન લઈને ગામમાં આવી અને વીડિયો બનાવવાનું શરૂ કર્યું.

પિતાને તેમની પુત્રીની કમાણી ખબર નથી

પિતા હરીશે કહ્યું કે, તેમને ખબર નથી કે, જ્યોતિ યુટ્યુબ પરથી કેટલી કમાણી કરે છે. તેમજ આ અંગે તેની સાથે ક્યારેય કોઈ વાતચીત પણ થઈ નથી. પહેલા જ્યારે જ્યોતિ દિલ્હીમાં કામ કરતી હતી ત્યારે તે ફક્ત 12,000 રૂપિયા ભાડું આપતી હતી. હવે આ ઘર મારું છે. જ્યોતિ પાસે અહીં કંઈ નથી.

વધુ વાંચો : ફેમસ યુટ્યુબર જ્યોતિ મલ્હોત્રાની ધરપકડ, પાકિસ્તાન માટે જાસૂસી કરવાનો આરોપ

જ્યોતિના 5 સાથીઓની પણ ધરપકડ

જણાવવામાં આવી રહ્યું છે કે, હિસાર પોલીસે પાકિસ્તાન માટે જાસૂસી કરતા 6 લોકોની ધરપકડ કરી છે. આમાં યુટ્યુબર જ્યોતિ મલ્હોત્રા અને તેના પાંચ મિત્રોનો સમાવેશ થાય છે. જ્યોતિની હિસારના ન્યૂ અગ્રસેન એક્સટેન્શનથી ધરપકડ કરવામાં આવી હતી. જ્યોતિ ટ્રાવેલ વિથ જો નામની પોતાની યુટ્યુબ ચેનલ ચલાવે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ