પર્યાવરણની ચિંતાઓને જોતા કેન્દ્ર સરકાર જૂના વાહનો પર ગ્રીન ટેક્સ લગાવવાની તૈયારીમાં છે. કેન્દ્રીય રોડ પરિવાર અને રાજમાર્ગ મંત્રી નિતિન ગડકરીએ એક પ્રસ્તાવને મંજુરી આપી છે.
જૂના વાહનો પર ગ્રીન ટેક્સ લગાવવામાં આવશે
ટ્રાન્સપોર્ટના વાહનો પર ગ્રીન ટેક્સ, રોડ ટેક્સના 10થી 25 ટકા લાગશે
ડીઝલ અને પેટ્રોલ એન્જિન વાળી ગાડીઓ પર ટેક્સની કેટેગરી હશે
સીએનજી, એલપીજી, ઇથેનૉલ અને ઇલેક્ટ્રિક વાહનો પર ગ્રીન ટેક્સ નહીં લાગે
કેન્દ્રીય મંત્રી નિતિન ગડકરીએ પર્યાવરણને પ્રદૂષિત કરનારા જૂના વાહનો પર ગ્રીન ટેક્સ લગાવવાને મંજૂરી આપી દીધી છે. સત્તાવાર રીતે જાહેરાત થતા પહેલા પ્રસ્તાવ હવે રાજ્યોના પરામર્શ માટે જશે. આ માહિતી રોડ પરિવહન અને રાજમાર્ગ મંત્રાલયે આપી છે. આ ટેક્સ એપ્રિલ 2022થી લગાવવામાં આવશે.
8 વર્ષથી વધુ જૂના ટ્રાન્સપોર્ટ વાહનો પર લાગશે ગ્રીન ટેક્સ
મંત્રાલયનું કહેવું છે કે, 8 વર્ષથી વધુ જૂના ટ્રાન્સપોર્ટના વાહનોના ફિટનેસ પ્રમાણપત્રના રિન્યૂ સમયે રોડ ટેક્સના દર 10 ટકાથી 25 ટકા ગ્રીન ટેક્સ લગાવી શકાશે. સાર્વજનિક સિટી બસોમાં ગ્રીન ટેક્સ ઓછો લગાવાશે
Transport vehicles older than 8 years could be charged Green Tax at the time of renewal of fitness certificate, at the rate of 10% to 25% of road tax: Ministry of Road Transport & Highways https://t.co/Ptmt6EWXLa
15 વર્ષથી જૂના કોમર્શિયલ અને પ્રાઇવેટ વાહનો પર 10 ટકા ટૅક્સ વસૂલવામાં આવશે
15 વર્ષ જૂના વાહનોને ફિટનેસ તપાસ અને બીજી વખત રજિસ્ટ્રેશન કરાવનારા વાહનચાલકો રિન્યુઅલ ફીની સાથે ગ્રીન ટેક્સ આપવો પડશે. આ ટેક્સ 10 ટકા હશે. ટેક્સથી જે રકમ મળશે તેને રાજ્યમાં હરિયાળી લાવવાના કામમાં લગાવવામાં આવશે. RTOમાં આવા વાહનોનો ગ્રીન ટેક્સ વસૂલવામાં આવશે.
આ વાહનો પર ગ્રીન ટેક્સ નહીં લાગે
વધુ પ્રદૂષિત શહેરોમાં રજિસ્ટર્ડ ગાડીઓ પર સૌથી વધુ ગ્રીન ટેક્સ(રોડ ટેક્સના 50 ટકા) લાગશે. ડીઝલ અને પેટ્રોલ એન્જિનવાળી ગાડીઓ માટે કેટેગરી હશે, જેના પર અલગ અલગ દરના ગ્રીન ટેક્સ લાગશે. તે લોકોને રાહત મળશે જે સીએનજી, એલપીજી, ઇથેનૉલ અને ઇલેક્ટ્રીક ગાડીઓ ચલાવે છે. આવા વાહનોને ગ્રીન ટેક્સથી બહાર રાખવામાં આવશે.
નેશનલ ગ્રીન ટ્રિબ્યુનલે એક આદેશ જાહેર કર્યો છે, જેમાં 15 વર્ષ જૂના કોમર્શિયલ અને પ્રાઇવેટ વાહન દિલ્હીમાં પ્રવેશ નહીં કરે. આ આદેશ બાદ ટ્રાન્સપોર્ટરની સાથે પબ્લિકમાં હોબાળો મચી ગ્યો હતો.