બુરખા વિવાદ પર કર્ણાટકમાં સ્થિતી બગડતી જઈ રહી છે. જ્યાં કથિત રીતે એક શૈક્ષણિક સંસ્થા પર તિરંગાની જગ્યાએ ભગવો ઝંડો લગાવામાં આવ્યો છે. તેની સાથે જોડાયેલા અમુક વીડિયો સોશિયલ મીડિયા પર વાયરલ થઈ રહ્યા છે.
બુરખા બૈન પર સ્થિતી વણસી
કલમ 144 લગાવી પડી
વિદ્યાર્થીઓ બેકાબૂ બનતા તિરંગાનું કર્યું અપમાન
બુરખા વિવાદ પર કર્ણાટકમાં સ્થિતી બગડતી જઈ રહી છે. જ્યાં કથિત રીતે એક શૈક્ષણિક સંસ્થા પર તિરંગાની જગ્યાએ ભગવો ઝંડો લગાવામાં આવ્યો છે. તેની સાથે જોડાયેલા અમુક વીડિયો સોશિયલ મીડિયા પર વાયરલ થઈ રહ્યા છે. આ મામલા પર કર્ણાટક કોંગ્રેસના અધ્યક્ષ ડીકે શિવકુમારનું નિવેદન પણ આવ્યું છે. તેમણે આવી ઘટનાઓથી પ્રભાવિત સંસ્થાઓને એક અઠવાડીયા માટે બંધ કરી દેવાની સલાહ આપી છે.
તિરંગાની જગ્યાએ ભગવો ઝંડો લગાવી દીધો
વાયરલ વીડિયોમાં આ ઘટના કર્ણાટકના શિમોગાની હોવાનું કહેવાય છે. તેમાં એક શખ્સે ઝઁડાના પોલ પર ચડેલો દેખાય છે. ત્યાં નીચે અન્ય કેટલાય લોકો પણ ઉભેલા દેખાય છે. જેમને વિદ્યાર્થીઓ હોવાનું કહેવાય છે. થાંભલા પર ભગવો ઝંડો લગાવ્યા બાદ વિદ્યાર્થીઓ ખુશીથી ઝુમવા લાગ્યા હતાં.
કલમ 144 લગાવી દીધી
જણાવી દઈએ કે, શિમોગામાં સવારે પથ્થરમારાની ઘટના પણ થઈ હતી. જે બાદ ત્યાં કલમ 144 લાગૂ કરી દેવામાં આવી છે. આ ઉપરાંત સરકારે કોલેજોને આદેશ આપ્યા છે, જ્યારે પણ તેમને લાગે કે, ત્યાં માહોલ ખરાબ થઈ રહ્યો છે, તો તેઓ 2-3 દિવસ માટે રજાની જાહેરાત કરી શકે છે.
સામ સામે નારેબાજી લગાવી
કર્ણાટકની આ ઘટનાની વચ્ચે બીજા અન્ય વીડિયો પણ સામે આવ્યા છે. જેમાં એક કોલેજની સામેની ઘટના બતાવી છે. જેમાં અમુક લોકો બુરખો પહેરેલી છોકરીઓ સામે આવીને નારાબાજી કરે છે અને જય શ્રી રામના નારા પણ લગાવી રહ્યા છે. તો વળી છોકરીઓ પણ અલ્લાહૂ અકબર કરી રહી છે.
શું હતો વિવાદ
કર્ણાટકમાં કેટલાય શાળા કોલેજમાં બુરખો પર પ્રતિબંધ લગાવી દીધો છે. એક બાજૂ મુસ્લિમ વિદ્યાર્થિનીઓ સ્કૂલ કોલેજમાં બુરખો પહેરીને પોતાના વિરોધ નોંધાવી રહ્યા છે, તો બીજી બાજૂ અમુક વિદ્યાર્થિનીઓ ભગવા રંગના સ્કાર્ફ પહેરની પોતાનો વિરોધ નોંધાવી રહ્યા છે. આ મામલો હાઈકોર્ટ સુધી પહોંચ્યો છે. જ્યાં સુનાવણી થઈ હતી. જેમાં કોર્ટે કહ્યું છે, કે, અમે કોઈના જોશ કે ભાવનામાં આવીને નહીં પણ સંવિધાન અંતર્ગત કામ કરીશું. અમારા માટે સંવિધાન જ ભગવદ ગીતા છે.