રાષ્ટ્રીય જનતા દળના સુપ્રીમો લાલુપ્રસાદ યાદવે તેમના નાના પુત્ર અને બિહારના ડેપ્યુટી સીએમ તેજસ્વી યાદવને તેમના ઉત્તરાધિકારી જાહેર કર્યાં છે.
લાલુપ્રસાદ યાદવે પોતાના વારસદાર જાહેર કર્યાં
નાના પુત્ર તેજસ્વી યાદવને સોંપી પાર્ટીની કમાન
કહ્યું- મારા પછી તેજસ્વી લેશે પાર્ટીના તમામ નિર્ણય
મોટા પુત્ર તેજ પ્રતાપને ઉત્તરાધિકારી ન જાહેર કર્યાં
રાષ્ટ્રીય જનતા દળના સુપ્રીમો લાલુપ્રસાદ યાદવે તેમના પછી પાર્ટીની કમાન તેમના મોટાપુત્ર તેજ પ્રતાપને નહીં પરંતુ નાના પુત્ર તેજસ્વી યાદવને સોંપી દીધી છે. શનિવારે દિલ્હીમાં આરજેડીની બે દિવસીય બેઠકના પ્રથમ દિવસે પક્ષના નેતાઓ અને કાર્યકરોને સંબોધન કર્યું હતું. લાલુ પ્રસાદ યાદવે કહ્યું કે, હવેથી પાર્ટી તેમના નાના પુત્ર અને બિહારના ઉપમુખ્યમંત્રી તેજસ્વી યાદવ બાદ પાર્ટીના વડા બનશે. પાર્ટીની અંદર જે પણ નિર્ણય લેવામાં આવશે, તે તેજસ્વી લેશે. લાલુના આ નિવેદન બાદ સ્પષ્ટ થઇ ગયું છે કે પાર્ટીની કમાન સંપૂર્ણપણે તેજસ્વીના હાથમાં આવી ગઇ છે.
દિલ્હીમાં પાર્ટીની રાષ્ટ્રીય કાર્યકારિણીની બેઠકમાં નિર્ણય
આજથી દિલ્હીમાં આરજેડીનું રાષ્ટ્રીય અધિવેશન યોજાઈ રહ્યું છે. આ સત્ર બે દિવસ ચાલશે. સંમેલનના પ્રથમ દિવસે જ એનડીએમસી કન્વેન્શન સેન્ટર ખાતે પાર્ટીની રાષ્ટ્રીય કાર્યકારિણીની બેઠકનો પ્રારંભ થયો હતો. બેઠક બાદ પાર્ટી સુપ્રીમો લાલુ પ્રસાદ યાદવે નેતાઓ અને કાર્યકર્તાઓને સંબોધિત કર્યા હતા. આ દરમિયાન તેમણે જાહેરાત કરી હતી કે તેમના નાના પુત્ર તેજસ્વી યાદવ તેમના ઉત્તરાધિકારી બનશે. તેઓ પાર્ટીની કામગીરીનું ધ્યાન રાખશે. હવે તેજસ્વી યાદવ જ કોઈ મહત્વપૂર્ણ કે નીતિ વિષયક બાબતો પર બોલશે. તે તમામ નિર્ણયો લેશે.
કાર્યકારી અધ્યક્ષ બની શકે છે તેજસ્વી
લાલુએ ઉત્તરાધિકારી જાહેર કર્યાં હોવાથી તેજસ્વી યાદવને પાર્ટીના કાર્યકારી અધ્યક્ષ બનાવી શકાય છે. હાલમાં આરજેડીના સુપ્રીમો લાલુપ્રસાદ યાદવ છે. લાલુની તબિયત પણ સારી રહેતી નથી પરંતુ લાલુએ પોતાના મોટાપુત્રને નહીં પરંતુ નાના પુત્રને ગાદીનો વારસદાર જાહેર કર્યો હોવાથી રાજકીય વર્તૂળોમાં નવાઈ પ્રસરી છે.
મોટા પુત્ર તેજ પ્રતાપને ગાદીનો વારસ ન બનાવ્યો
લાલુપ્રસાદ યાદવે તેમના નાના પુત્ર તેજસ્વીને ઉત્તરાધિકારી જાહેર કર્યો છે. જોકે સામાન્ય પરંપરા તો મોટા પુત્રને ગાદી સોંપવાની હોય છે પરંતુ લાલુએ આ પરંપરા તોડી છે. તેજ પ્રતાપ યાદવને ગાદી ન સોંપવાનું એક કારણ એ પણ હોઈ શકે કે ઘણા પ્રસંગોએ તેજ પ્રતાપે પાર્ટી અને પરિવાર માટે મુશ્કેલી ઊભી કરી હતી.