નેશનલ ડ્રગ્સ ડેટાબેઝ / દવાઓની ક્વોલિટીનું મોનિટરિંગ કરશે કેન્દ્ર સરકાર, માસ્ટર પ્લાન તૈયાર કરવા ખાસ કમિટીનું ગઠન, થશે ફાયદો

• દરેક દવાની ક્વોલિટીનું મૉનિટરિંગ કરાશે
• નેશનલ ડ્રગ ડેટાબેઝ બનાવવાની પણ તૈયારી
• આ પગલાંથી ગ્રાહકોનું થશે સશક્તિકરણ 

દેશમાં વેચાતી તમામ દવાઓની ક્વોલિટીનું મોનિટરિંગ કરવા માટે હવે સરકારે નેશનલ ડ્રગ ડેટાબેઝ બનાવવા માટેનો નિર્ણય લીધો છે. આ રીતે સરકારની સ્પેશિયલ કમિટી દવાઓની ક્વોલિટીનું ચેકિંગ કરશે અને દવાને ગ્રીન સિગ્નલ આપશે.

સરકારે કમિટીની કરી છે રચના
સરકારે 7 સદસ્યોની એક કમિટીની રચના કરી છે. આ કમિટીનું મુખ્ય કામ માર્કેટમાં જતી તમામ દવાઓની ક્વોલિટીને મોનિટર કરવાનું રહેશે. તેની સાથે સરકારે નેશનલ ડ્રગ ડેટાબેઝ બનાવવાની પણ તૈયારી કરી રહી છે. આ ડેટાબેઝ બનાવવાનો મુખ્ય ઉદેશ્ય દેશમાં વેંચાતી દવાની માત્રા, નિર્માતા કંપનીની આયાત અને માર્કેટિંગ કંપની જેવી તમામ જાણકારીનો ડેટા મેળવવાનો છે. 

ગ્રાહકોનું સશક્તિકરણ 
આ મુદે બનાવવામાં આવેલી કમિટી 3 મહિનાની અંદર સરકારને પોતાની ભલામણો કરશે. સરકારનો દાવો છે કે આ ડેટા થકી ગ્રાહકોનું સશક્તિકરણ થશે અને દવા સંબંધિત તમામ માહિતીઓ પણ હાજર રહેશે.

ડેટાબેઝનાં ફાયદાઓ
સરકાર દ્વારા બનાવવામાં આવતા આ દવાઓનાં ડેટાબેઝનાં અનેક ફાયદાઓ છએ જેમાંથી પહેલો ફાયદો છે કે તેના લીધે દવાઓની ક્વોલિટીને મોનિટર કરી શકાશે. તે સિવાય હાલમાં રાજ્ય સરકારો પાસે દવાઓનો ડેટાબેઝ હાજર છે જે હવેથી કેન્દ્ર સરકાર પાસે પણ રહેશે.

3  મહિનામાં આપવી પડશે રિપોર્ટ
દવાઓના ડેટાબેઝ માટે સરકારે એક કમિટીનું ગઠન કર્યું છએ. આ કમિટી 7 સભ્યોની છે. આ કમિટીની જવાબદારી છે કે તેમને ત્રણ મહિનાની અંદર પોતાની રિપોર્ટ સરકારને સોંપવી પડશે. આ રિપોર્ટનાં આધાર પર સરકાર ડેટાબેઝ બનાવવા માટે પોતાના આગળનાં પગલાંઓ ભરશે.