જો તમારે હંમેશા સ્વસ્થ્ય જ રહેવું છે તો પોતાની લાઈફ સ્ટાઈલમાં થોડા ફેરફાર કરીને તમે પોતાના જ ડોક્ટર બની શકો છો
1 જુલાઈએ ઉજવવામાં આવે છે નેશનલ ડોક્ટર્સ ડે
પોતાની લાઈફ સ્ટાઈલમાં થોડા ફેરફાર કરીને તમે પોતાના જ ડોક્ટર બની શકો છો
સારા સ્વાસ્થ્ય માટે આટલી આદતો જરૂરી
દર વર્ષે 1 જુલાઈએ નેશનલ ડોક્ટર્સ ડે ઉજવવામાં આવે છે. આ દિવસે ઉજવવાનો હેતુ ડોક્ટર્સનો આભાર વ્યક્ત કરવાનો છે. સાથે જ લોકોને સારા સ્વાસ્થ્ય પ્રત્યે જાગૃત કરવાનો છે. જો તમારે હંમેશા સ્વસ્થ્ય જ રહેવું છે તો પોતાની લાઈફ સ્ટાઈલમાં થોડા ફેરફાર કરીને તમે પોતાના જ ડોક્ટર બની શકો છો. સારા સ્વાસ્થ્ય માટે આટલી આદતો જરૂરથી રાખવી જોઈએ. જેવી કે....
સવારે વહેલા ઉઠવું
જે લોકો સવારે વહેલા ઉઠે છે તેમનો આખો દિવસ સારો જાય છે. સવારે જલ્દી ઉઠવાથી પાચન તંત્ર સારૂ રહે છે અને તમે માનસિક રૂપથી પણ સ્વસ્થ્ય અનુભવ કરશો. સાથે જ તેનો ફાયદો એ પણ રહેશે કે તમને વધારે સમય મળી રહેશે જેના કારણે તમે પોતાના બધા જ કામ સમયસર પુરા કરી શકશો.
સવારે ઉઠીને હુંફાળુ પાણી પીવું
દરરોજે સવારે ઉઠીને એક ગ્લાસ હુંફાળુ પાણી પીવાની આદત પાડવી જોઈએ. તેનાથી મોટાબોલિઝમ સુધરે છે. સવારે પાણી પીવાથી ગળા અને કીડની સાથે જોડાયેલી સમસ્યાઓ દૂર થશે. હુંફાળા પાણીમાં લીંબૂ નાખીને પીવાથી પેટ સાફ રહે છે અને તેનાથી જાડાપણું નથી આવતું.
દરરોજે એક્સરસાઈઝ કરો
સવારે ઉઠીને પાણી પીધા બાદ યોગ અથવા એક્સરસાઈઝ કરવાની આદત પાડો. તેનાથી તમે આખો દિવસ ફ્રેસ અને એક્ટિવ રહેશો. તેનાથી દિવસની શરૂઆત સકારાત્મક થશે અને એક્સરસાઈઝ અથવા યોગથી વજન ઓછુ કરવામાં મદદ મળે છે અને તમે બિમારીઓથી દૂર રહેશો.
ખુશ રહો
દિવસની શરૂઆત એક સ્માઈલ સાથે કરો અને કારણ વગરના તણાવથી દૂર રહો. તણાવ ઘણી બિમારીઓનું મુળ છે. ખુશ રહેનાર વ્યક્તિ સ્વસ્થ્ય રહે છે. ડોક્ટર્સ પણ બિમારીઓથી બચવા માટે ખુશ રહેવાની સલાહ આપે છે. એક સ્ટડી અનુસાર તણાવ મુક્ત રહેનાર વ્યક્તિ લાંબો સમય સુધી જીવે છે.
પુરતી ઉંઘ લો
હેલ્દી લાઈફ સ્ટાઈલ માટે જરૂરી છે કે તમે સમય સર સુઈ જાઓ અને પુરતી ઉંઘ લો. સારી ઉંઘ લેવાથી બ્લડ પ્રેશર, હાઈ કોલેસ્ટ્રોલ અને ડિપ્રેશન જેવી બિમારીઓ દૂર રહે છે. પુરતી ઉંઘ લેવાથી શરીર ફ્રેશ અને એક્ટિવ રહે છે જેનાથી દિવસની શરૂઆત સારી રીતે કરવામાં મદદ મળે છે.