વાયરલ / VIDEO : દિલ્હી મેટ્રોમાં મહિલાઓએ ભજન ગાવાનું શરૂ કર્યું! CISF આવતા જોવા જેવું થયું

Delhi Metro Video : દિલ્હી મેટ્રોના અવાર-નવાર અનેક પ્રકારના વીડિયો સોશિયલ મીડિયામાં વાયરલ થતાં હોય છે. આ ક્રમ દિલ્હી મેટ્રોનો વધુ એક Video સામે આવ્યો છે. મેટ્રો હવે દિલ્હીમાં પરિવહન વ્યવસ્થાનો સૌથી મહત્વપૂર્ણ ભાગ બની ગઈ છે. દરરોજ દિલ્હીથી લાખો લોકો મુસાફરી કરે છે. દિલ્હી મેટ્રોને લગતા ઘણા વીડિયો દરરોજ સોશિયલ મીડિયા પર વાયરલ થતા રહે છે, જે ક્યારેક આપણને આશ્ચર્યચકિત કરી દે છે. તાજેતરમાં દિલ્હી મેટ્રોનો એક આવો જ વીડિયો સામે આવી રહ્યો છે, જેમાં કેટલીક મહિલાઓ માતા રાણીનું કીર્તન કરતી જોવા મળી રહી છે.

વીડિયોમાં બે થી ત્રણ મહિલાઓ મેટ્રો સીટ પર બેઠેલી જોવા મળે છે અને કેટલીક મહિલાઓ ફ્લોર પર બેઠેલી જોવા મળે છે જેઓ ઢોલ-મંજીરા વગાડીને માતા રાણીના ચિત્ર સાથે કીર્તન પણ કરી રહી છે. આ સમય દરમિયાન મેટ્રોમાં બેઠેલા મુસાફરો તેમને જોઈ રહ્યા છે. આમાંના કેટલાક મુસાફરોને જોઈને સ્પષ્ટ થાય છે કે તેમને ખલેલ પહોંચી રહી છે.

મેટ્રોમાં ભજન-કીર્તનનો Video વાયરલ

વાયરલ વીડિયોમાં જોઈ શકાય છે કે, મહિલાઓના ભજન કીર્તન બાદ થોડી વાર પછી પોલીસ મેટ્રોમાં પ્રવેશી ત્યારબાદ મહિલાઓએ કીર્તન ગાવાનું બંધ કરી દીધું અને પોલીસકર્મીઓની માફી માંગતી જોવા મળી. એટલું જ નહીં તે કાન પકડીને વારંવાર સોરી પણ કહી રહી છે. આ વીડિયો billu_sanda_7011 ના ઇન્સ્ટાગ્રામ પેજ પર શેર કરવામાં આવ્યો છે જેના કેપ્શનમાં લખ્યું છે, Without Police. આ સાથે લખ્યું છે, With Police. એટલે કે જ્યારે પોલીસ ત્યાં ન હતી ત્યારે મહિલાઓ કોઈપણ તણાવ વિના આરામથી ભજન-કીર્તન કરી રહી હતી પરંતુ પોલીસ આવ્યા પછી તેઓ માફી માંગવા લાગ્યા.

View this post on Instagram

A post shared by Billu_Sanda_7011 (@billu_sanda_7011)

નિયમોનું પાલન કરવું જરૂરી

નોંધનિય છે કે, મેટ્રોના પોતાના નિયમો છે જેનું પાલન દરેક મુસાફર માટે ફરજિયાત છે. જો નિયમોનું પાલન ન થાય તો દંડ ભરવો પડશે. આવી સ્થિતિમાં કોઈપણ મુસાફરને મેટ્રોના ફ્લોર પર બેસવાની મંજૂરી નથી, ન તો મેટ્રોની અંદર કોઈપણ પ્રકારનું ગાવાનું, સંગીત વગાડવાની કે નૃત્ય કરવાની મંજૂરી છે. દિલ્હીમાં મેટ્રોને ખૂબ જ સલામત જાહેર પરિવહન માનવામાં આવે છે, તેથી દરેક મુસાફરને બધા નિયમોનું પાલન કરવાની સલાહ આપવામાં આવે છે.

વધુ વાંચો : VIDEO : ભેજાબાજોની ક્યાં કમી છે, યુવકે ચૂલાને બનાવ્યો બાથરુમ શાવર

સોશિયલ મીડિયા પર શેર કરાયેલા આ વીડિયોને અત્યાર સુધીમાં 27 હજારથી વધુ લોકોએ લાઈક કર્યો છે અને લોકોએ વીડિયો પર પોતાની પ્રતિક્રિયાઓ પણ આપી છે. એક યુઝરે લખ્યું, જાહેર પરિવહન લોકોની સુવિધા માટે છે, કીર્તન-ભજન કરવા માટે નહીં, જ્યારે બીજાએ લખ્યું કે મહિલાઓ સારું ગાઈ રહી છે, પરંતુ તેમણે મેટ્રોમાં ગાવું ન જોઈએ. બીજા એક યુઝરે લખ્યું, જ્યારે કેટલાક લોકો મેટ્રોમાં અશ્લીલતા ફેલાવે છે, તો પછી પોલીસકર્મીઓ ક્યાં જાય છે?

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ