અત્યાર સુધી તમે ગાય, ભેંસ, બકરી, ઉંટનું દૂધ સાંભળ્યું હશે અને ક્યાંક ગયા હશો તો આ વિવિધ દૂધનો ટેસ્ટ પણ કર્યો હશે. પરંતુ હવે દેશમાં પહેલી વાર ગધેડીના દૂધની ડેરી ખૂલવા જઈ રહી છે. આ સાથે સૌથી સારી વાત તો એ છે કે ગધેડીના દૂધને ઈમ્યુન સિસ્ટમ સારી રાખવા માટે મહત્વનું માનવામાં આવે છે. દેશમાં પહેલી વાર અનુસંધાન કેન્દ્ર હિસારમાં હલારી નસ્લ (જાત)ની ગધેડીના દૂધની ડેરી શરૂ થવા જઈ રહી છે. આ માટે એનઆરસીઈએ 10 હલારી જાતની ગધેડીઓને પહેલેથી મંગાવી રાખી છે. અત્યારના સમયમાં બ્રીડિંગ કરાઈ રહી છે. ઉલ્લેખનીય છે કે આ ગધેડીના દૂધનો ભાવ પ્રતિ લિટર 7000 રૂપિયા રહેશે. તો જાણો કઈ રીતે આ મોંઘું દૂધ ફાયદારૂપ રહેશે.
દેશમાં પહેલીવાર ખૂલશે ગધેડીના દૂધની ડેરી
7000 રૂપિયે પ્રતિ લિટર રહેશે દૂધનો ભાવ
સ્વાસ્થ્ય માટે આ રીતે ફાયદાકારક રહેશે આ દૂધ
7000 રૂપિયે લિટર વેચાશે દૂધ
બ્રીડિંગ થયા બાદ જ ડેરીનું કામ જલ્દી શરૂ કરાશે. ગુજરાતની હલારી જાતની ગધેડીઓનું દૂધ ઔષધિ ગણવામાં આવે છે. આ બજારમાં 2000-7000 રૂપિયે લિટર સુધીના ભાવે વેચવામાં આવે છે. તેનાથી કેન્સર, સ્થૂળતા, એલર્જી જેવી બીમારીઓથી લડવાની તાકાત મળે છે. તે એક ઉત્તમ બ્યૂટી પ્રોડક્ટ પણ બને છે જે ખૂબ જ મોંઘી કિંમતે વેચાય છે. ડેરી શરૂ કરવા માટે એનઆરસીઈ હિસારના કેન્દ્રીય ભેંસ અનુસંધાન કેન્દ્ર અને કરનાલના નેશનલ ડેરી રિસર્ચ ઇન્સ્ટીટ્યૂટના વૈજ્ઞાનિકોની મદદ પણ લેવાઈ રહી છે.
બાળકોને આ દૂધથી નહીં થાય કોઈ એલર્જી
આ પ્રોજેક્ટથી મળતી માહિતી અનુસાર અનેક વાર ગાય કે ભેંસના દૂધથી બાળકોને એલર્જી થાય છે પરંતુ હલારી ગધેડીના દૂધથી ક્યારેય એલર્જી થતી નથી. તેના દૂધમાં એન્ટી ઓક્સીડન્ટ, એન્ટી એજીન મળે છે. જે શરીરમાં અનેક ગંભીર બીમારીઓ સાથે લડવાની ક્ષમતા વિકસિત કરે છે. ગધેડીના દૂધ પર સંશોધન કરવામાં આવી રહ્યું છે. આ સિવાય આ દૂધમાં ફેટનું પ્રમાણ પણ નહીવત હોય છે.
પ્રોડક્ટ પણ થઈ રહી છે તૈયાર
ડેરી પહેલા એક વ્યક્તિએ ગઘેડીના દૂધથી બ્યૂટી પ્રોડક્ટ બનાવવાનું કામ કર્યું. કેરળની એક કંપનીએ તેને ખરીદી અને બ્યૂટી પ્રોડક્ટ્સ જેવી કે સાબુ, લિપ બામ, બોડી લોશન વગેરે તૈયાર કરવામાં આવી રહ્યા છે.