ગુડ ન્યૂઝ / દુનિયામાં સૌથી વધારે કોરોના દર્દીઓ ભારતમાં થયા સાજા, 5 રાજ્યોમાં સંક્રમણને હરાવનારા દર્દીઓનો આંક ચોકાવનારો

• દુનિયામાં સૌથી વધારે કોરોના દર્દીઓ ભારતમાં થયા સાજા
• ભારતમાં કોરોના સંક્રમણથી સાજા થનારા દર્દીઓની સંખ્યા વધી
• 5 રાજ્યોમાં સંક્રમણથી 60 ટકા સુધી દર્દીઓ થયા સાજા

દુનિયાભરમાં 9.24 લાખ લોકોના થયા છે મોત
જોન હોપકિન્સ યુનિવર્સિટીના આંકડા અનુસાર દુનિયાભરમાં કોરોના સંક્રમિતોનો આંક 2.90 કરોડને પાર કરી ચૂક્યો છે. તેમાંથી 1.96 કરોડ લોકો મહામારીને માત આપી ચૂક્યા છે. મહામારીથી 9.24 લાખ લોકોના મોત થયા છે. દેશભરમાં આ મહામારીના કારણે મૃત્યુઆંક 80 હજારને પાર થયો છે. છેલ્લા 24 કલાકમાં 1063 મોત સાથે સંખ્યા 80707 થઈ છે. છેલ્લા 2 અઠવાડિયામાં રોજ 1000થી વધુ લોકોના મોત થઇ રહ્યા છે. 

60 ટકા સક્રિય કેસ ફક્ત 5 રાજ્યોમાં
કેન્દ્રીય સ્વાસ્થ્ય મંત્રાલયના આંકડા અનુસાર ભારતમાં કુલ 60 ટકા સક્રિય કેસ 5 રાજ્યોમાં આવી રહ્યા છે. જેમાં મહારાષ્ટ્ર, કર્ણાટકસ, આંધ્રપ્રદેશ, ઉત્તરપ્રદેશ અને તમિલનાડુ સામેલ છે. કોરોનાને માત આપનારા કુલ દર્દીમાં 60 ટકા પણ આ 5 રાજ્યોમાં છે. દર્દીના સ્વસ્થ થવાનો દર 78 ટકા રહ્યો છે. આ 5 રાજ્યોમાં કુલ સંક્રમિતોના લગભગ 60 ટકા કેસ છે. 

સંક્રમિતોનો આંક 49.15 લાખને પાર થયો

રાજ્યો અને કેન્દ્ર શાસિત પ્રદેશોની સમાચાર એજન્સીઓના સોમવારે રાતે 9 વાગે મળેલા આંકડા અનુસાર રવિવાર રાતથી અત્યારસુધીમાં 79358 નવા કેસ આવ્યા છે અને સંક્રમિતોનો કુલ આંક 49.15 લાખને પાર થયો છે. આ સમયમાં 82152 લોકોને હોસ્પિટલમાંથી રજા મળી છે, કોરોનાથી સાજા થયેલા લોકોની સંખ્યા 38,45 લાખથી વધી છે. સક્રિય કેસની સંથ્યા હજુ પણ 9.90 લાખની નજીક છે.