બ્રહ્માસ્ત્ર' ફિલ્મની ધમાકેદાર સફળતાને કારણે તારીખ ફેરવાઈ
16 સપ્ટેમ્બરે પ્રેક્ષકોને મળવાની હતી 75 રુપિયાની ટિકિટ
પરંતુ હવે આવી ટિકિટ નહીં મળે
મલ્ટીપ્લેક્ષ એસોસિએશન ઓફ ઈન્ડીયાની જાહેરાત
મલ્ટીપ્લેક્ષ એસોસિએશન ઓફ ઈન્ડીયાએ નેશનલ સિનેમા ડે સેલિબ્રેશનની નવી તારીખ જાહેર કરી છે. પહેલા 16 સપ્ટેમ્બરે નેશનલ સિનેમા દિવસની ઉજવણીની જાહેરાત કરવામાં આવી હતી એટલું જ નહીં પરંતુ તે દિવસે ફિલ્મો જોવા આવતા પ્રેક્ષકોને સસ્તી ટિકિટ આપવાનું પણ જણાવાયું હતું પરંતુ હવે 16 સપ્ટેમ્બરની તેની ઉજવણી મોકૂફ રાખી દેવાઈ છે અને તેને બદલે હવે 23 સપ્ટેમ્બરે ઉજવણી થશે. આલિયા ભટ્ટ અને રણબીર કપૂર સ્ટારર ફિલ્મ 'બ્રહ્માસ્ત્ર'ની સફળતાને ધ્યાનમાં રાખીને
આ નિર્ણય લેવાયો છે.
The National Cinema Day was previously announced to be held on 16th September, however, on request from various stake holders and in order to maximize participation, it would now be held on 23rd September #NationalCinemaDay2022#Sep23pic.twitter.com/c5DeDCYaMD
બ્રહ્માસ્ત્ર ધમધોકાર ચાલી રહ્યું છે પહેલા આવક પછી સેલિબ્રેશન
મલ્ટીપ્લેક્સ એસોસિએશન ઓફ ઇન્ડિયાએ જારી કરેલી એક નોંધમાં એવું જણાવ્યું કે ઘણા હોદ્દેદારોની વિનંતીને ધ્યાનમાં રાખીને રાષ્ટ્રીય સિનેમા દિવસ મોકૂફ રાખવામાં આવ્યો છે. તેમાં વધુને વધુ મલ્ટિપ્લેક્સ ચેઇન્સ ભાગ લે છે તે વિશે પણ વસ્તુઓ નક્કી કરવામાં આવી છે. જો જોવામાં આવે તો ,'બ્રહ્માસ્ત્ર'ની રિલીઝ બાદ ફરી એકવાર ભીડ થિયેટરોમાં પરત ફરી રહી છે. થિયેટર માલિકો પોતાનો હિસ્સો વધારવા માગે છે, આવી સ્થિતિમાં તેમણે રાષ્ટ્રીય સિનેમા દિવસ મુલતવી રાખવાની વિનંતી કરી છે. લાંબા સમય બાદ દર્શકો થિયેટરોમાં પાછા ફર્યા છે. તેથી હવે આ રાષ્ટ્રીય સિનેમા દિવસ 23 સપ્ટેમ્બરે ઉજવવામાં આવશે.
ઘણા થિએટરની 75 રુપિયાની ટિકિટ આપવાની ઓફર
સિનેમા ચેઇનમાં પીવીઆર, આઇનોક્સ, કાર્નિવલ, સિનેપોલિસ, મિરાજ, સિટીપ્રાઇડ, એશિયન, મુક્તા એ2, વેવ, મૂવીટાઇમ, એમ2કે, ડિલાઇટ અને અન્ય ઘણા થિયેટરો રાષ્ટ્રીય સિનેમા દિવસ પર 75 રૂપિયાની ટિકિટ ઓફર કરવા જઇ રહ્યા છે. નિવેદનમાં આગળ લખવામાં આવ્યું છે કે છેલ્લા કેટલાક સમયથી જ્યાં ભારતીય ફિલ્મ ઈન્ડસ્ટ્રીમાં નુકસાન જોવા મળી રહ્યું હતું ત્યાં જ 'બ્રહ્માસ્ત્ર'એ બધાને એક આશા બનાવી છે. ગ્લોબલ લેવલે ફિલ્મ ઇન્ડસ્ટ્રી કંઇક સારું કરી રહી છે. જો કે, તામી, તેલુગુ, મલયાલમ અને કન્નડ સિનેમામાં, 'કેજીએફ: ચેપ્ટર 2' અને 'આરઆરઆર' એ બોક્સ ઓફિસ પર સારી કમાણી કરી હતી. કેટલીક ફિલ્મોમાં હોલિવૂડનો તેમાં સમાવેશ થાય છે.