મધ્યપ્રદેશના ગુના જીલ્લાના કૈટ પોલીસ સ્ટેશનની હદ વિસ્તારમાં જે જમીનનો ક્બ્જો હટાવતી વખતે અનુસુચિતજાતિના રાજકુમાર આહીરવાર અને એમના પરિવારની સાથે પોલીસે જબરજસ્તી કરી તે જમીન સરકારી છે. લગભગ ૫૦ કરોડ રૂપિયાની કિમતની આ ૪૫ વીઘા જમીન પર છેલ્લા ૩૦ વર્ષોથી બી.એસ.પી.ના પૂર્વ સાંસદ પાર્ષદ નાગકન્યા અને એમના પતી ગ્બ્બુ પારદીએ કબ્જો કરી રાખ્યો છે. વિવાદની વચ્ચે એમને જમીન ખેતી કરવા માટે રાજુને આપી દીધી હતી.રાજકીય પકડને કારણે નાગકન્યાને લાંબા સમયથી તંત્ર જગ્યા પરથી હટાવી શકતું ન્હોતું.આ જમીનને શાસને કોલેજ નિર્માણ માટે ખાલી રાખેલ છે.
ગુનામાં આત્મહત્યાના પ્રયત્ન બાદ સમગ્ર ઘટના પ્રકાશમાં આવી
બીજાની જમીન પર ખેતી કરીને ઘર ચલાવે છે રાજુનો પરિવાર
પરિવાર પર લગભગ છ લાખ રૂપિયાનું દેવું
મંગળવારે પોલીસ અને પ્રશાસનની ટીમ સમય પર પહોચીને કબ્જો હટાવવાની શરૂઆત કરી તો વિવાદ થઇ ગયો હતો. જમીન પર ખેતી કરનાર રાજુએ પોલીસ કાર્યવાહીનો વિરોધ કર્યો હતો, ત્યારે પોલીસ દ્વારા તેને માર મારવામાં આવ્યો હતો. રાજુને બચાવવા જતા તેની પત્નીને પણ માર પડ્યો હતો, તો રાજુએ જંતુનાશક દવા પી ને આત્મહત્યાની કોશિશ કરી, જેનાથી આ મામલો ચર્ચામાં આવ્યો હતો.રાજુને ૨ વર્ષ પહેલા નાગકન્યા અને ગ્બ્બુએ વિવાદિત જમીન ખેડવા માટે આપી હતી.
ગયા વર્ષે સપ્ટેમ્બરમાં પણ પ્રશાસને કબજો હટાવવાની કોશિશ કરી હતી, પરંતુ સફળતા મળી ન્હોતી. ત્યારે પોલીસે તૈયાર પાકને કચળી નાખ્યો હતો. ત્યારે પણ આ જમીન રાજુ પાસે હતી.પાક નષ્ટ થઇ જવાને કારણે લગભગ ૩ લાખ રૂપિયાનું નુકસાન થયું હતું. રાજુએ ખેતી માટે રૂપિયા ઉધાર લીધા હતા, એના પર વ્યાજ વધતું જઈ રહ્યું હતું. એના માટે રાજુએ ફરીથી આ જમીનમાં સોયાબીનની ખેતી કરી હતી. એ આશા સાથે કે સારી ઉપજ મળશે તો દેવું ચૂકવીને વિવાદિત જગ્યા છોડી દેશે. પરંતુ ૧૪ જુલાઈના રોજ જયારે તંત્રની ટીમ કાર્યવાહી કરવા માટે પહોચી ,તો ફરીથી નુકશાન થતું જોતા રાજુ અને તેના પરિવારે આત્મહત્યાનો રસ્તો અપનાયો હતો. ખાસ વાત તો એ છે કે આ આખા ઘટનાક્રમથી ગબ્બુ પારદી અને નાગકન્યા દુર જ રહ્યા છે. આ બંનેએ ખેતી કરનારા રાજુને આગળ કરી દીધો છે.
છ ભાઈઓમાં રાજુ અહિરવાર ત્રીજા નંબરનો છે. આ બધા ગુના શહેરના કાચા ઘરમાં રહેતા હતા. રાજુના ભાઈ શિશુપાલે જણાવ્યું કે, એમની પાસે ના તો કોઈ જમીન છે અને ના કોઈ રોજગાર છે. એટલે બધાજ ભાઈ આ રીતે બીજાની જમીન પર ખેતી કરે છે. લગભગ ૨ વર્ષ પહેલા એમનો ગબ્બુ પારદી સાથે સંપર્ક થયો હતો, ત્યારબાદ તેમને આ જમીન પર ખેતી કરવા મળી હતી.
રાજુની માં ગીતાબાઈએ જણાવ્યું કે એમના પરિવાર પર લગભગ છ લાખ રૂપિયાનું દેવું છે. જેમાં અઢી-ત્રણ લાખ રૂપિયા વેપારીઓના છે, જેના પર ૨% ના હિસાબે વ્યાજ લાગે છે. અમે તો પ્રશાસન પાસેથી ફક્ત ૨ માસનો સમય માંગ્યો હતો, જેથી પાકને કાપીને અમે અમારું દેવું ચૂકતે કરી શકીએ. આની પહેલાના પાક પર જેસીબી ચલાવી દીધું હતું.
વર્ષ ૨૦૦૯-૨૦૧૩ ની વચ્ચે ગુનાથી નાગકન્યા બહુજન સમાજ પાર્ટીની સાંસદ રહ્યા છે. આ ઘટનાક્રમ પછી હટાવ્યા ગયેલા કલેકટર એસ.વિશ્વનાથન જણાવે છે કે, ગબ્બુ પારદી ભૂ-માફિયા શ્રેણીમાં આવે છે એના નામ પર સરકારી રેકોર્ડમાં ૮૦ વીઘાથી પણ વધુ જમીન છે. બે-ત્રણ વર્ષમાં એનું આલીશાન મકાન બન્યું છે. એ લગભગ ૫૦ કરોડ રૂપિયાની જમીન પર કબજો કરવાનો પ્રયાસ કરી રહ્યો હતો.
ડીસેમ્બર ૨૦૧૯ માં જયારે શિવાની ગર્ગ કબ્જો હટાવવા માટે ગયા હતા, ત્યારે નાગકન્યાએ વિવાદ ઉભો કર્યો હતો.