મધ્ય પ્રદેશ / મધ્ય પ્રદેશના સિંગરૌલીમાં બે માલગાડી એકબીજા સાથે અથડાઈ, જાણો કેવી રીતે થયો અકસ્માત

• બન્ને ટ્રેનના આગળના ભાગને નુકસાન થયું હતુ
• આ એન્જિનમાં 3 ડ્રાઈવર સવાર હતા
• બે માલગાડી કેવી રીતે એક જ સમયે આવી ગઈ હતી

બન્ને ટ્રેનના આગળના ભાગને નુકસાન થયું હતુ

મધ્ય પ્રદેશમાં સિંગરોલીમાં એનટીપીસીની 2 કોલસા ભરેલી માલગાડીઓ રવિવારે વહેલી સવારે અથડાઈ ગઈ હતી. આ ઘટનામાં 3 એન્જિયનિયર દબાયા હોવાની શંકા સેવાઈ રહી છે. રિપોર્ટ મુજબ બૈઢન પોલીસ સ્ટેશન વિસ્તારમાં રિહંદ નગરમાં એક માલગાડી કોલસો ભરીને જઈ રહી હતી. જ્યારે બીજી માલગાડી ખાલી હતી. એવું મનાઈ રહ્યું છે કે બન્ને માલગાડી સ્પીડમાં આવી રહી હતી. જેથી એક બીજા સાથે અથડાતા બન્ને ટ્રેનના આગળના ભાગને નુકસાન થયું હતુ.

આ એન્જિનમાં 3 ડ્રાઈવર સવાર હતા

આ ઘટનાની માહિતી મળતાની સાથે માલગાડીમાં ફસાયેલા કર્મચારીઓને રેસ્ક્યુ કરવામા આવ્યાં હતા.  હજું બાકીના લોકોને રેસ્ક્યુ કરવાની કામગીરી ચાલું છે. સૂચના મળતાની સાથે તંત્રના અધિકારીઓ ઘટના સ્થળે દોડી આવ્યા હતા. માલગાડીની વચ્ચે થયેલી ટક્કર એટલી તીવ્ર હતી કે ગાડીના ડબ્બા રમકડાની જેમ વિખરાઈ ગયા હતા.  રિપોર્ટ મુજબ કોલસો ભરેલી એક ગાડીનો એક ડબ્બો ખાલી માલગાડીના એન્જિન પર પડ્યો હતો. આ એન્જિનમાં 3 ડ્રાઈવર સવાર હતા. 

Madhya Pradesh: 2 cargo trains carrying coal collide in Singrauli. Loco pilot and assistant loco pilot reported to be trapped. Rescue operation by NTPC team and police is underway. pic.twitter.com/QxYd3DhsRU

— ANI (@ANI) March 1, 2020

બે માલગાડી કેવી રીતે એક જ સમયે આવી ગઈ હતી

રિપોર્ટ મુજબ એક રેલવે ટ્રેકનો ઉપયોગ કોલસો લાવવા લઈ જવા માટે વપરાતી માલગાડી દ્વારા કરવામાં આવે છે. ત્યારે એક જ ટ્રેક પર બે માલગાડી કેવી રીતે એક જ સમયે આવી ગઈ હતી. તંત્ર દ્વારા આ ઘટનાની તપાસ હાથ ધરવામાં આવી છે.