દુખદ / દિલ્હી-મુંબઈ એક્સપ્રેસ વે પર ભીષણ અકસ્માત, 6 લોકોના કમકમાટીભર્યા મોત, 5 ઈજાગ્રસ્ત

શનિવારે સવારે, દિલ્હી-મુંબઇ એક્સપ્રેસ વે પર ફિરોઝપુર ઝીરકા પોલીસ સ્ટેશન હદ હેઠળ એક દુઃખદ માર્ગ અકસ્માત સર્જાયો છે. આ અકસ્માત ઇબ્રાહિમબાસ ગામ પાસે થયો, જ્યારે પિકઅપ ટ્રકના ચાલક એ નિયંત્રણ ગુમાવતાં સફાઈ કામ કરી રહેલા કામદારો પર પિકઅપ ટ્રક ચડાવી દીધો. આ ભયાનક અકસ્માતમાં 6 સફાઈ કર્મચારીઓએ ઘટના સ્થળે જ પોતાના જીવ ગુમાવ્યા, જ્યારે અન્ય 5 કર્મચારીઓ ગંભીર રીતે ઘાયલ થયા છે.

આ અકસ્માત સવારે ૧૦:૦૦ વાગ્યાની આસપાસ થયો હતો, જ્યારે લગભગ ૧૧ સફાઈ કર્મચારીઓ એક્સપ્રેસ વે પર સફાઈ કામ કરી રહ્યા હતા. ટક્કર એટલી ગંભીર હતી કે 6 કર્મચારીઓના ઘટનાસ્થળે જ મોત થયા. ઘાયલ કર્મચારીઓને તાત્કાલિક નજીકની હોસ્પિટલમાં દાખલ કરવામાં આવ્યા હતા, જ્યાં તેમની હાલત ગંભીર છે. અકસ્માત બાદ ઘટનાસ્થળે ચીસો અને બૂમો પડી ગઈ. સ્થાનિક લોકોએ તાત્કાલિક પોલીસને જાણ કરી અને ઘાયલોને હોસ્પિટલ લઈ જવામાં મદદ કરી.

પિકઅપ ટ્રકના ચાલક વિરુદ્ધ કાર્યવાહી

પોલીસ દ્વારા અત્યારે મૃતકોની ઓળખની પ્રક્રિયા ચાલી રહી છે અને પિકઅપ ટ્રકના ચાલક વિરુદ્ધ કાર્યવાહી શરૂ કરવામાં આવી છે. ટ્રાફિક CCTV ફૂટેજ અને અન્ય પુરાવાઓના આધારે સમગ્ર ઘટનાની તપાસ કરવામાં આવી રહી છે. આ દુ:ખદ અકસ્માતને લઈને સોશ્યલ મીડિયા પર લોકો પોતાની પ્રતિક્રિયા વ્યક્ત કરી રહ્યા છે અને મૃતકોથી સંવેદના વ્યકત કરી રહ્યા છે.

આ પણ વાંચો : દિલ્હી-મુંબઈ એક્સપ્રેસ વે પર ભીષણ અકસ્માત, 6 લોકોના કમકમાટીભર્યા મોત, 5 ઈજાગ્રસ્ત

આ આઘાતજનક અકસ્માત, એક્સપ્રેસ વે પર પહેલાં પણ અનેક અકસ્માતોની શ્રેણીમાં બીજું હતું. પેસેન્જર વાહનોના વધતા ટ્રાફિક અને વધારે ગતિને કારણે અકસ્માતોના સંભવિત જોખમ વધતા જોવા મળી રહ્યા છે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ