ક્રિકેટ / નાથન લાયને તોડ્યો કપિલ દેવનો રેકોર્ડ, દુનિયાના ટોચના બોલર્સનાં લિસ્ટમાં મેળવી એન્ટ્રી

• ગાલેમાં યોજાઈ ઓસ્ટ્રેલિયા અને શ્રીલંકા સામે ટેસ્ટ 
• ઓફ સ્પિનર નાથન લિયોને લીધી 9 વિકેટ 
• લિયોનના નામે હવે 109 ટેસ્ટ મેચમાં 436 વિકેટ

કપિલ દેવથી આગળ થયો નાથન લિયોન
ઓસ્ટ્રેલિયાના દિગ્ગજ ઓફ સ્પિનર નાથન લિયોના સહારે શ્રીલંકાને બંને ટેસ્ટની પ્રથમ મેચમાં 10 વિકેટથી હરાવ્યું હતુ. ગાલે ટેસ્ટના ત્રીજા દિવસે શ્રીલંકાએ ઓસ્ટ્રેલિયા સામે જીતવા માટે માત્ર 4 રનનો ટાર્ગેટ આપ્યો હતો. ઓસ્ટ્રેલિયાએ માત્ર 4 બોલમાં આ ગોલ હાંસલ કરી લીધો હતો. ગાલે ટેસ્ટમાં શ્રીલંકાની ટીમે બંને ઈનિંગમાં ઓસ્ટ્રેલિયાના બોલરો સામે ઝૂકાવ્યું હતુ. શ્રીલંકાની પ્રથમ ઈનિંગ 212માં અને બીજી ઈનિંગમાં માત્ર 110 રનમાં સમેટાઈ હતી. લિયોનની સામે શ્રીલંકાના બેટ્સમેનો એકદમ લાચાર દેખાઈ રહ્યા હતા. લિયોને પ્રથમ ઇનિંગ્સમાં પાંચ અને બીજી ઇનિંગ્સમાં ચાર શ્રીલંકન ખેલાડીઓનો શિકાર કર્યો હતો. આ સાથે જ લિયોને ભારતના મહાન ઓલરાઉન્ડર કપિલ દેવને પણ પાછળ છોડી દીધા છે.

નાથન લિયોનના નામે ટેસ્ટ ક્રિકેટમાં 436 વિકેટ
નાથન લિયોનના નામે હવે 109 ટેસ્ટ મેચમાં 436 વિકેટ છે. ભારતના ભૂતપૂર્વ કેપ્ટન કપિલ દેવે 131 મેચમાં 434 વિકેટ ઝડપી હતી. આ ઉપરાંત લાયન ટેસ્ટ ક્રિકેટના ટોપ 10 બોલર્સની યાદીમાં પણ સામેલ થઈ ગયો છે. આ ઉપરાંત લાયન્સે ટેસ્ટ ક્રિકેટમાં સૌથી વધુ વિકેટ ઝડપનારા ખેલાડીઓની યાદીમાં ઓસ્ટ્રેલિયા માટે સ્વર્ગસ્થ શેન વોર્ન (708 વિકેટ) અને ગ્લેન મેકગ્રા (563)નો પણ સમાવેશ છે. વોર્ન આ યાદીમાં બીજા અને મેકગ્રા 5માં નંબર પર છે.

Nathan Lyon joins the elusive top-10 club 🙌#SLvAUS | #WTC23 pic.twitter.com/kblO1tzphX

— ICC (@ICC) July 1, 2022

લિયોન પાસે બીજી ટેસ્ટ મેચમાં ડેલ સ્ટેનને પાછળ છોડવાની તક 
લિયોન પાસે હવે બીજી ટેસ્ટ મેચમાં દક્ષિણ આફ્રિકાના પૂર્વ ફાસ્ટ બોલર ડેલ સ્ટેન અને ભારતીય સ્પિનર રવિચંદ્રન અશ્વિનને પાછળ છોડી દેવાની તક છે. ડેલ સ્ટેનના નામે 93 ટેસ્ટ મેચમાં 439 વિકેટ છે જ્યારે અશ્વિને 86 ટેસ્ટ મેચમાં 442 વિકેટ ઝડપી છે. જ્યારે અશ્વિન આઠમા અને સ્ટેન 9મા ક્રમે છે. રવિચંદ્રન અશ્વિન પણ ઇંગ્લેન્ડ સામેની 5મી ટેસ્ટમાં ઉતરે છે, તેથી તેની પાસે વિકેટોની સંખ્યા વધારવાની પણ તક છે.

ઓસ્ટ્રેલિયા-શ્રીલંકા ગાલે ટેસ્ટ મેચનો રિપોર્ટ
ઓસ્ટ્રેલિયાએ ત્રીજા દિવસની શરૂઆત સવારે પ્રથમ ઇનિંગમાં આઠ વિકેટે 313 રનથી કરી હતી. ફાસ્ટ બોલર અસિથા ફર્નાન્ડોએ પેટ કમિન્સ (26)ને તેના યોર્કરનો શિકાર બનાવ્યો. આ પછી તેણે ઈન સ્વિંગરમાંથી મિચેલ સ્વેપસન (01)ને આઉટ કરીને ઓસ્ટ્રેલિયાની ઈનિંગનો અંત 321 રને આણ્યો હતો અને આ રીતે પ્રથમ ઈનિંગના પાયા પર 109 રનથી સરસાઈ મેળવી લીધી હતી. શ્રીલંકા બીજી ઈનિંગમાં માત્ર 113 રન જ બનાવી શક્યું હતુ, જેના કારણે ઓસ્ટ્રેલિયાને જીતવા માટે માત્ર પાંચ રનનો ટાર્ગેટ મળ્યો હતો અને ડેવિડ વોર્નરે ચાર બોલમાં મેચ પુરી કરી હતી.

ટ્રેવિડ હેડે 17 બોલમાં 4 વિકેટ ઝડપી
તેણે છેલ્લી 26 ટેસ્ટ મેચમાં માત્ર એક જ વિકેટ લીધી હતી. પોતાના સારા ફોર્મને જારી રાખતા લિયોને પ્રથમ ઈનિંગમાં 90 રન આપીને પાંચ વિકેટ અને બીજી ઈનિંગમાં 31 રન આપીને ચાર વિકેટ ઝડપી હતી. ઓસ્ટ્રેલિયાની પ્રથમ ઈનિંગની સરસાઈને ઝડપથી સમાપ્ત કરવાના ઈરાદા સાથે સ્પિનર ફ્રેન્ડલી પીચ પર શ્રીલંકાએ બીજી ઈનિંગમાં ઝડપી શરુઆત કરી હતી. શ્રીલંકાના ઓપનર દિમુથ કરુણારત્ને અને પથુમ નિસાન્કાએ મિશેલ સ્ટાર્કની બોલિંગમાં પ્રથમ ઓવરમાં 17 રન જોડ્યા હતા જેમાં ચાર ચોગ્ગા સામેલ હતા. પરંતુ લિયોને કરુણારત્ને (23)ને વિકેટકીપર એલેક્સ કેરીનાં હાથે ફસાવીને 37 રનની ભાગીદારી તોડી હતી. બે રન બાદ લેગ સ્પિનર મિચેલ સ્વેપ્સને નિસાંકા (14)ને આઉટ કર્યો. કુસલ મેન્ડિસ અને ઓશાદા ફર્નાન્ડોએ ત્રીજી વિકેટમાં 20 રન જોડયા હતા. પરંતુ મેન્ડિસે લિયોનના બોલ પર બેટને સ્પર્શ કર્યો અને સ્ક્વેર લેગ પર કેચ આપ્યો. ફર્નાન્ડો (12) પણ સ્વેપસનની બોલિંગમાં સ્લિપમાં સ્ટીવ સ્મિથના હાથે કેચ પકડીને પેવેલિયનમાં પહોંચી ગયો હતો અને શ્રીલંકાનો સ્કોર ચાર વિકેટે 63 રન હતા.