મહારાષ્ટ્રના નાસિકની જાકિર હુસેન હોસ્પિટલમાં ટેન્કમાંથી ઓક્સિજન લીક થતા 22 લોકોના દર્દનાક મોત થયા છે.
નાસિકની જાકિર હુસેનની હોસ્પિટલની ઘટના
હોસ્પિટલમાં પડેલી ટેન્કમાં ઓક્સિજન લીક થયો
લીક થતા દર્દીઓને ઓક્સિજનની અછત સર્જાઈ
ઓક્સિજન ન મળતા દર્દીઓ તરફડીયા મારવા લાગ્યાં
અંતે મોતને ભેટ્યા
બુધવારે બપોરે 2 ની આસપાસ હોસ્પિટલ પરિસરમાં પડેલી ટેન્કમાંથી ઓક્સિજન લીક થવા લાગ્યું હતું અને તેને પરિણામે વેન્ટિલેટર સપોર્ટ પર રહેલા કોરોનાના દર્દીઓને ઓક્સિજન ઓછો મળવા લાગતા તેઓ તરફડવા લાગ્યા હતા અને 22 દર્દીઓ મોતને ભેટ્યા હતા. તથા 35 દર્દીઓની હાલત નાજૂક હોવાનું જણાવાયું હતું. ઘટના બની ત્યારે હોસ્પિટલમાં 238 દર્દીઓ દાખલ હતા.
દોષીઓને કડક સજા કરાશે-મહારાષ્ટ્રના મંત્રી
મહારાષ્ટ્રના મંત્રી રાજેન્દ્ર શિંગળેએ જણાવ્યું કે અમને પ્રાથમિક માહિતી મળી છે કે આ ઘટનામાં 22 દર્દીઓના મોત થયા છે. આ ઘટનાની તપાસ બાદ દોષીઓની સામે કડક કાર્યવાહી કરવામાં આવશે.
હોસ્પિટલમાં 238 દર્દીઓ ઓક્સિજન સપોર્ટ પર
જે સમયે ઓક્સિજન સપ્લાય અટક્યો તે સમયે 171 દર્દીઓ ઓક્સિજન અને 67 દર્દીઓ વેન્ટિલેટર સપોર્ટ પર હતા. ઓક્સિજન સપ્લાય અટકતા હોસ્પિટલમાં અફરાતફરી મચી હતી.
હાલત સુધરી રહી હતી પરંતુ ઓક્સિજન અટકતા મોત થયું
આ ઘટનામાં એક મહિલાનું પણ મોત થયું છે. મૃતક મહિલાના સસરાએ જણાવ્યું કે 4 દિવસ પહેલા હોસ્પિટલ લઈને આવ્યાં હતા. હાલતમાં સતત સુધારો થઈ રહ્યો હતો પરંતુ ઓક્સિજન સપ્લાય અટકતા તબિયત ખરાબ થવા લાગી અને તેનું મોત થયું.
It's an unfortunate incident. As per preliminary info, we've learnt that 11 people died. We're trying to get a detailed report. We've ordered an enquiry as well. Those who are responsible will not be spared: FDA Minister Dr Rajendra Shingane on Nashik Oxygen tanker leak incident pic.twitter.com/sT7M8XbatF
જાકિર હુસેન હોસ્પિટલ પસિસરમાં પડેલી ટેન્કમાંથી અચાનક જ કોઈ કારણસર ઓક્સિજન લીક થવા લાગ્યો હતો અને જોતજોતામાં આખી હોસ્પિટલ ધૂમાડાથી ભરાઈ ગઈ હતી. ઓક્સિજન લીક થતા જે દર્દીઓ ઓક્સિજન સપોર્ટ પર હતા તેમને ઓક્સિજન મળવાનું બંધ થઈ ગયું હતું અને તેને કારણે તેમના મોત થયા હતા.
#WATCH | An Oxygen tanker leaked while tankers were being filled at Dr Zakir Hussain Hospital in Nashik, Maharashtra. Officials are present at the spot, operation to contain the leak is underway. Details awaited. pic.twitter.com/zsxnJscmBp
ઓક્સિજન લીક થવાને કારણે આખી હોસ્પિટલ ધુમાડાથી ભરાઈ ગઈ હતી. શરુઆતમાં તો લોકો આગ લાગી હોવાનું લાગ્યું હતું. પરંતુ ઓક્સિજન લીક થયાનું જાણમાં આવતા લોકોમાં અફરાતફરી મચી હતી. હોસ્પિટલ સત્તાવાળાઓએ ફાયર બ્રિગેડને ફોન કરવામાં આવતા ગાડીઓ આવી હતી અને મહામહેનતે આગ પર કાબૂ મેળવી લેવાયો હતો.