પ્રયોગ / નાકના સ્પ્રેથી 99.99% કોરોના વાયરસનો થશે ખાત્મો, આ કંપનીએ કર્યો દાવો 

• કોરોના વાયરસથી બચવા નાકની રસી 
• ભારત બાયોટેક બનાવી રહી છે રસી 
• સૌથી સારી દવા બનશે આ નેઝલ સ્પ્રે

કંપનીએ કહ્યું કે તેમનો આ સ્પ્રે કોરોનાથી બિમાર લોકોનો ઇલાજ કરવામાં કામ કરશે. સાથે જ મહામારીના લક્ષણોની ગંભીરતાથી પણ બચાવ થશે. 

 ધ સન સમાચાર અનુસાર કેનેડાની કંપનીએ કહ્યું કે તેમનો નાકમાં નાખવાનો સ્પ્રે હવામાં જ કોરોનાવાયરસને ખત્મ કરવાનું  શરૂ કરી દીધુ છે. આ સિવાય નાકના રસ્તાથી તે ફેફસા સુધી તેને સાફ કરે છે. તેનું પરિક્ષણ અમેરિકા અને બ્રિટનમાં સફળ રહ્યું છે. સેનોટાઇઝનો દાવો છે કે જે લોકોએ તેમનો સ્પ્રે ટ્રાયલ્સ દરમિયાન ઉપયોગમાં લીધો તે લોકોમાં સફળ રહ્યું છે. 

યુકે ટ્રાયલ્સના ચીફ ઇન્વેસ્ટીગેટરે કહ્યું કે કોરોના મહામારી વિરુદ્ધ ચાલી રહેલ આ લડાઇમાં સ્પ્રે સૌથી ખતરનાક હથિયાર સાબિત થશે. આ એક આંદોલનકારી દવા સાબિત થશે. તમને જણાવી દઇએ કે દુનિયાભરમાં કોરોના વિરુદ્ધ નાકથી નાંખવાની આ દવાને લઇને રિસર્ચ ચાલી રહ્યું છે. 

હૈદરાબાદ સ્થિત ભારત બાયોટેકે કોરોફ્લુ નામની વેક્સિન બનાવી રહ્યું છે. કોરોના વાયરસના ઇલાજ માટે બનાવવામાં આવતી આ વેક્સિન સિરીંજથી નહી પરંતુ એક ટપકુ નાકમાં નાખવામાં આવશે. ભારત બાયોટેકે આ વેક્સિનને અમેરિકા, જપાન અને યુરોપમાં ડિસ્ટ્રીબ્યુટ કરવા માટેની વાત પણ ચાલી રહી છે. 

વેક્સિનનું આખુ નામ કોરોફ્લૂ વન ડ્રોપ કોવિડ - 19 વેક્સિન છે. કંપનીએે દાવો કર્યો છે કે તે સંપૂર્ણ રીતે સુરક્ષિત છે. કારણકે આ પહેલા પણ ફ્લૂ માટે બનાવવામાં આવેલી દવાઓ સુરક્ષિત હતી. આ વેક્સિનનો ફેઝ-1 ટ્રાયલ અમેરિકાના સેન્ટ લુઇસ યુનિવર્સિટી વેક્સિન એન્ડ ટ્રીટમેન્ટ ઇવેલ્યુએશન યુનિટમાં થશે. 

આ વેક્સિન બનાવનાર કંપની ભારત બાયોટેના ચેરમેન ડૉ. કૃષણા એલાએ કહ્યું કે અમે આ વેક્સિનની 100 કરોડ ડોઝ બનાવીશું જેના કારણે એક જ ડોઝમાં 100 કરોડ લોકોને કોરોના વાયરસ જેવી મહામારીથી બચી શકાય છે. ઉંદર પર કરેલા પરિણામમાં સફળતા દેખાઇ રહી છે.