કલાકો સુધી ઊંઘ્યા કરવાનું કોને ન ગમે? કોઈપણ ડિસ્ટર્બ ના કરે અને પલંગમાં પડ્યા રહો આખા દિવસ, આવું કોને ના ગમે? પરંતુ આજની આ ફાસ્ટલાઈફમાં આવું શક્ય નથી. પાપી પેટ માટે તો મહેનત કરીને રૂપિયા કમાવવા જ પડે એટલે કે આખો દિવસ ઉંઘવાના તો સવાલ જ પેદા નથી થતો. પણ, જો તમને ઊંઘવાના રૂપિયા મળે તો? લાગ્યોને ઝટકો, આવું ખરેખર શક્ય છે. સૂતા-સૂતા રૂપિયા કમાવાનો મોકો છે તમારી પાસે, શરત એટલી કે તમારે અંતરિક્ષમાં ઊંઘવુ પડશે.
અંતરિક્ષમાં રહેવું અને આરામથી ઊંઘવું ખાવાના ખેલ નથી. ત્યાં રહેલું ગુરુત્વાકર્ષણબળ શરીરના તંત્રને પ્રભાવિત કરે છે. આખરે અંતરિક્ષ યાત્રી સ્પેસમાં ઊંઘ્યા વિના કલાકો સુધી કેવી રીતે કામ કરે છે, જાણવા માટે નાસા યૂરોપિયન સ્પેસ એજન્સી સાથે મળીને એક વાતાવરણ ટેસ્ટ કરવા જઇ રહી છે, જેમાં માલૂમ પડશે કે અંતરિક્ષ યાત્રી કેવી રીતે ઊંઘે છે.
આ ટેસ્ટ માટે નાસાને 12 પુરુષો અને 12 મહિલાઓની જરૂર છે. આ તમામ 2 મહિના માટે ખાસ ડિઝાઇન કરેલા પલંગ પર ઊંઘશે. આ પ્રયોગ માટે 18500 ડોલર એટલે કે 12.84 લાખ રૂપિયા આપવામાં આવશે. આ સ્ટડી દરમિયાન વોલન્ટિયર્સ પર જુદા-જુદા ટેસ્ટ કરવામાં આવશે જેમાં કોગ્નિશન, મસલ સ્ટ્રેન્થ, બેલેન્સ અને કાર્ડિયોવેસ્ક્યુલર ફંક્શનની તપાસ થશે. આ સિવાય અડધા વોલન્ટિયર્સને એન્ટી-ગ્રેવિટી ચેમ્બરમાં રાખવામાં આવશે. મતલબ કે એવા ચેમ્બરમા રાખવામાં આવશે જ્યાં ગુરુત્વાકર્ષણ બળની કોઇ અસર નહીં થાય. સાથે જ કોઈ એવી પ્રવૃત્તિ નહીં કરાવવામાં આવે જેનાથી થાક લાગે.
વોલન્ટિયર્સને ઊંઘવા માટે આપવામાં આવેલો પલંગ સામાન્ય રીતે હોય છે તેવો નહી હોય. આ પલંગ બ્લડ પ્રેશર ઘટાડી નાખશે જેથી લોહીનું પ્રમાણ ઘટશે. વોલન્ટિયર્સના સ્વાસ્થ્ય પર પણ આની અસર થશે. વોલન્ટિયર્સને ઊંઘવા સિવાય બીજું કોઈ કામ કરવાનું રહેશે નહીં. તેમણે સતત 60 દિવસ સુધી પલંગમાં જ રહેવુ પડશે. ટોઇલેટ જવાની પણ મંજૂરી નહી મળે. જોકે એક ન્યૂટ્રિશિનિસ્ટ ત્યાં હશે જે તમારા સ્વાસ્થ્ય અનુસાર ડાયટ પ્લાન આપશે.બોલો છે તમારી પણ ઇચ્છા જવાની?