નવી દિલ્હીઃ દેશ પર વાવાઝોડા બાદ હવે સૌર તોફાનનો પણ ખતરો મંડરાઈ રહ્યો છે. આગામી 48 કલાકમાં પૃથ્વી સાથે સોલર સ્ટૉર્મ ટકરાઈ શકે છે. વૈજ્ઞાનિકોનું માનીએ તો સૂર્યમાં એક કોરોનલ હોલ થશે.
જેના કારણે સુરજમાંથી ભારે માત્રામાં ઉર્જા નીકળશે. જેમાં કોસ્મિક કિરણો પણ હશે. જે ધરતી પર ટેક બ્લેકઆઉટ કરી શકે છે.
એટલે કે તેનાથી સેટેલાઈટ આધારિત સેવાઓ જેવી કે મોબાઈલ સિગ્નલ કેબલ નેટવર્ક જીપીએસ નેવિગેશન ઠપ થઈ જશે.
એક રિપોર્ટ મુજબ અમેરિકી સ્પેસ એજન્સી નાસાએ પણ સોલર સ્ટૉર્મને પૃથ્વી સુધી પહોંચવાની પુષ્ટિ કરી છે. નાસાએ એક ફોટોગ્રાફ જાહેર કર્યા છે. જેમાં ગેસ જેવું તોફાન દેખાઈ રહ્યું છે.
આ તોફાનના કારણે ધરતીના સોલર ડિસ્કના અડધા ભાગને કાપીને એક છિદ્ર બનશે. જેના કારણે સૂર્યના વાતાવરણથી પૃથ્વી તરફ એક ગરમ હવાનું તોફાન આવશે.
જોકે નેશનલ ઓશન એન્ડ એટમોસ્ફિયર એસોસિએશનનું કહેવું છે કે આ સોલર સ્ટૉર્મ જી-1 કેટેગરીનું છે. એટલે કે આ તોફાન હળવું હશે. જોકે તેનાથી નુકસાન થઈ શકે છે.
નિષ્ણાતોનું માનીએ તો જી-1 કેટેગરીમાં પાવર ગ્રિડ પર સૌથી વધુ અસર થાય છે. માઈગ્રેટરી બડર્સ પર પણ અસર થઈ શકે છે. આ તોફાનની વ્યાપક અસર યુએસ અને યુકેમાં સૌથી વધુ થઈ શકે છે.